تاني جبنة وشاي

زائر

تذكير بمساهمة فاتح الموضوع :

خلاص نحن حسة نحضر الراكوبة لحدي مايجو الباقييييييييين
[ندعوك للتسجيل في المنتدى أو التعريف بنفسك لمعاينة هذه الصورة]

Admin عدد الرسائل : 1911 تاريخ التسجيل : 05/12/2007

والله كلنا رجعنا للجبنة دارين جبنة مدنكلة يابت طيب

يلااا في الانتظار والله ياسيف الدين جبت جبنة جد

حمد الله على السلامة يا ابو زحل
وست الجبنة دي الظاهر منتظرة الماهية , الناس الايام دي مفلسة وزهجوها بالديون.

زائر

safesoft0 كتب:: حمد الله على السلامة يا ابو زحل
وست الجبنة دي الظاهر منتظرة الماهية , الناس الايام دي مفلسة وزهجوها بالديون.

جيت راجعة اعمل الجبنة بس وووووووووووووووين الماهية مماصرفتو ولا شنو Sad

انا غايتو صرفت وكده ..
لاكين الدكتور منعني من القهوة وكده ..
عشان كده حا اشرب شاي بالنعناع .. وكده

اتذكرتوا بتاع باسطة المحطة دااك ؟؟
الكان بيقول " بالسمنة وكده " ..
وبعدين بقى يقول " ماااا منعونا وكده "

عيني باردة عليكم ياناس عطبرة عاصمة الحديد والنار

زائر

جينا ورجعنا وجينا ورجعنا

ولا جبنة ولا شاي بالنعناع ولا ماهية

يا سما في الصفحة دي بس قلتي كلمة "جينا" 4 مرات , ده غير كلمة "رجعنا"
هسه عشان تثبتي انك جيتي , في واحد قاعد في الكرسي المولع نار هناك , امشي ولعي فحمك في الكرسي وبعدين تعالي جاي سوي لينا الجبنة.

زائر

سيف الدين محمد عثمان كتب:: يا سما في الصفحة دي بس قلتي كلمة "جينا" 4 مرات , ده غير كلمة "رجعنا"
هسه عشان تثبتي انك جيتي , في واحد قاعد في الكرسي المولع نار هناك , امشي ولعي فحمك في الكرسي وبعدين تعالي جاي سوي لينا الجبنة.

نقول بسم الله وبدينا

طيب نبدأ ليك بجبنة بتهم العطبراويين : معنى كلمة عطبرة
قرأت عنها معنى جديد أول مرة أسمع به , هذا نصه :

فيما أذكره في احدا الايام
قدم الينا رجل كبير من مناطق ريف كسلا الغربي
وفي يوم كانت الجلسه عائليه فكان يحدث عن تاريخ المنطقه
التي تمتد بين نهر النيل والبحر الاحمر
فقال نهر عطبره يجهل الكثير معناه فشدني الفضول
واحببت ان اعرف ما هذا الجهل و وجهت اليه السؤال
صمت قليلا وبداء يبتسم , فقال
عطبره بلغة المنطقه معناه جف او نصب
ومعلوم ان نهر عطبر ة نهر موسمي يجف شهور معينه
وضرب مثل وقال عندما يفطم الطفل نحن نقول
(لجنه عطبره) معني تم فطامه
والله أعلم

هذه المعلومة وجدتها عند ناس بورتسودان , وبالمناسبة دي يا جماعة بورتسودان دي لو تمعنا في تاريخها توجد نقاط تشابه بينها وبين عطبرة , حا اخليها ليكم كل زول يشرب فنجانه يدينا نقطة تشابه بينها وبين عطبرة .

ياناس عطبرة انا جيتكم زولا متقريف ولقيت الراكوبة مرشوشة واختا لي كويعة في العنقريب الهبابي وضربت الهمبريب .لكن مالقيت لي جبنة عشان اسكت الصداع والقريفة ، واحدة فيكن اكان سما ولا خالدة التقوم تسوي لي فنجان جبنة كارب

ابو مجتبي ياود بربر مرحب حبابك وين انقطعت ليك زمن بس جيت مع غيابنا نحن والان نحن عدنا وانت غبت كيف اخبارك واخبار كل الشباب معاك بي غادي في شبكة بربر ان شاء الله تمام

وبعدين خالدة دي شني الذكرتها بعد سما يازول منتدانا كلو مافيه واحدة اسمها خالدة والله مو كدي ياشباب

نتممني ان نشوفك مواصل معنا علي طول لك التحية اخوك المناضل

الزول قال ليك متقريف يا ابو زحل
يعني ما قادر يجمع سما ولا خالدة ولا كلتوم .. المهم عاوز ليهو فنجان .. وما لقاه

دي القريفة التمام ، تخليك ما تفرز، تكون (مفقوه) ومصدع

يا أبوزحل دحين سما بتعرف (مفقوه) دي Surprised

معتصم ود العقيدة كتب:: دي القريفة التمام ، تخليك ما تفرز، تكون (مفقوه) ومصدع

يا أبوزحل دحين سما بتعرف (مفقوه) دي

كيف حالك يازول ان شاء اله تمام وكيف حال ناس تشين وتشاو
مشتاقين والله انشغلنا شوية لكن ان شاء الله سوف نكون مواصلين بدون انقطاع

لك التحية

مفقوه دي يازول سما مابتعرفها ليك الا كان ندرسها ليها

وبمناسبة مفقوه دي اتذكرت حفيظ ود قضل السيد زمان
راح لي عيسي ود الفقير وقالوا يا جدي عيسي مسد لي رقبتي انا مفجوه

هوي يا ابوزحل الناس ديل بقوا نسابتي اعمل حسابك

هههههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههههههههههههه

عاد العرس الماك حاضرو دا لا تكون حاسبو بس يازول انا الشي البتفوتني في البلد مابقول عندي فيها شي انا العرس حضرتو وادقيت في الحفلة كمان وحاضر الخمسة حفلات تقول لي نسيبك انت نسيبك الراجل الليبي حافظ وانا قلت حفيظ وحافظ براهو يمكن يكون مفجوه برضو

والله دايرين نمشي نستقر يازول زهج وقهر بالكوم قسم بالله
نشوف لينا مرة تانية تخت واحدة يمين وواحدة شمال وتبقي في النص ياركبت التونسية يا بقيت راجل عديل
هههههههههههههههههههههههههههههههههههههههههههههه

الله يجازي محنك يا ابوزحل اقنعتني تب والله

هههههههههههههههههههههههههههههههه

بعدين الزهج خليهو لينا بي جاي والله ولدي الصغير دا الماعرف السودان كويس

كل يوم عامل لي (خوته) يا ابوي ودينا السودان زهجنا من الناس ديل
اما قصة مرة تانية دي صعبة شوية ، هي الواحدة في تلتلة
واللا رايك شنو ياسيف Wink

؟

ابو زحل كتب:: نشوف لينا مرة تانية تخت واحدة يمين وواحدة شمال وتبقي في النص ياركبت التونسية يا بقيت راجل عديل

التونسية دي انت ركبتها من ختيت رجلك في السعودية , ولو جبت مرة تانية معناها التونسية دي ما حا تنزل : حا تكون في الجو لغاية ما يخلص بنزينها.

ويا معتصم كيف حالك ما قربت تخلص ولا لسه ؟
وبعدين قول لولدك ده لمن ترجع السودان الناس الزهجت منهم ديل حا تلقاهم في السودان اكثر من السودانيين .. احسن ليك اتعود عليهم من هسه وجكس ليك صينية من بدري (الكلام لولدك ما ليك )

رأيي في البيفكروا في المرة التانية :
{وَلاَ تُلْقُواْ بِأَيْدِيكُمْ إِلَى التَّهْلُكَةِ }

أما رأيي في المرة التانية :
{أَوَلَمَّا أَصَابَتْكُم مُّصِيبَةٌ قَدْ أَصَبْتُم مِّثْلَيْهَا قُلْتُمْ أَنَّى هَـذَا قُلْ هُوَ مِنْ عِندِ أَنْفُسِكُمْ إِنَّ اللّهَ عَلَى كُلِّ شَيْءٍ قَدِيرٌ }

قديم جميل
بعد شراب الجبنة والشاي في الراكوبة
ما تنسوا الفطور في ضل الضحى
وتقيلوا تحت شدرة
والعصرية مروا على الجيران
يا النسوان والشباب كان في كورة في الاستاد روحو شوفوها

khalda كتب:: والله ياود المهدى راكوبتنا ولا فيلا الامير بتحس بالهدوء والراحة والطمانينة فيها
صاح والا انا غلطانة
دي جبنة حلوة عطبراوية وبخورة جاولى وعودية كمان تقولى شنو وتقولى منو ونحن الساس ونحن الراس

الاخت خالدة لك التحية ونتمني عودتك عشان نعمل ليك حفلة عيد الميلاد دي شايفك في الميلاد وانتي ماموجودة ان شاء الله المانع خير

وبعدين ياسيف قبل كدا في واحد ذكر خالدة او سما وانا قلت ليه ماعندنا واحدة اسمها خالدة هي تكون سجلت في فترة غيابي اسف جدا جدا وبحاول اجيب اقتباس من الرد بتاع الراجل وهو منو لكم التحية واتمني وجود خالدة معانا هنا

ابو مجتبى كتب:: ياناس عطبرة انا جيتكم زولا متقريف ولقيت الراكوبة مرشوشة واختا لي كويعة في العنقريب الهبابي وضربت الهمبريب .لكن مالقيت لي جبنة عشان اسكت الصداع والقريفة ، واحدة فيكن اكان سما ولا خالدة التقوم تسوي لي فنجان جبنة كارب

$$$$$%%%%$$$$$$$

ابو زحل كتب:: ابو مجتبي ياود بربر مرحب حبابك وين انقطعت ليك زمن بس جيت مع غيابنا نحن والان نحن عدنا وانت غبت كيف اخبارك واخبار كل الشباب معاك بي غادي في شبكة بربر ان شاء الله تمام

وبعدين خالدة دي شني الذكرتها بعد سما يازول منتدانا كلو مافيه واحدة اسمها خالدة والله مو كدي ياشباب

نتممني ان نشوفك مواصل معنا علي طول لك التحية اخوك المناضل

معيلش يا ابو مجتبي توجد واحدة اسمها خالدة فعلا وكمان جاتكم الفراشة كانت غائبة زمن ان شاء الله من باكر لو ربنا حيانا بنمسكها الراكوبة والجبنة وناس سما دايرين نمسكن الشاي

هووى يا ناس الراكوبه
هوووى سلام كيفنكن الله يسلمكم الله بيارك فيكم
ولاداتكم والما عندو ولاد امك ابوك اخوانك
سما كيفك اخبارك وينه مشاعر والله مشتاقه ليها شديد
اها دقيقه اولع نار لشاي والجبنه

الفراشه كتب:: هووى يا ناس الراكوبه
هوووى سلام كيفنكن الله يسلمكم الله بيارك فيكم
ولاداتكم والما عندو ولاد امك ابوك اخوانك
سما كيفك اخبارك وينه مشاعر والله مشتاقه ليها شديد
اها دقيقه اولع نار لشاي والجبنه

الفراشة حمد الله علي السلامة الرجعتي طيبة

وياريت تجيبي معاك بقية الشباب وتحياتي لكل الاهل بعطبرة والامارات

لك التحية وابقي عشرة علي الجبنة دي لما نرجع ليك

انكربي بس ماتكون جبنة مرخية والله بنها حرقان

واذا احتجت لرقم مشاعر لكي تتصلي بها اذهبي الي منتدي التواصل والسيرة الذاتية سوف تجدي رقم كل من تبحثي عنها
في بوست تلفونات الاعضاء

لك التحية

زائر

الراكوبة بقت سمحة بيك يالفراشة

وقت ولعتي النار حسة بجي

هسع الكديسة دي بتخلينا نشرب لينا جبنا فاتحة خشمها وماسكه الكلاش دا وتكورك
ههههههههههههههههههههههههههههه

أفو يا المناضل بقيت تخاف من الكدايس

والله كان سمعو بيك ناس الكبير حكايتك شربت

سيف الدين محمد عثمان كتب:: ويا معتصم كيف حالك ما قربت تخلص ولا لسه ؟

والله لسة بعيد يا سيف ، ربك يهون بس وانتو انكربوا معانا بالدعوات (الحرم قريب منكم)

احسن ليك اتعود عليهم من هسه وجكس ليك صينية من بدري (الكلام لولدك ما ليك )

القصيرات ديل اوديهن وين يا سيف يا اخوي (ديل زي الملاية القصيرة في البرد)

رأيي في البيفكروا في المرة التانية :
{وَلاَ تُلْقُواْ بِأَيْدِيكُمْ إِلَى التَّهْلُكَةِ }

أما رأيي في المرة التانية :
{أَوَلَمَّا أَصَابَتْكُم مُّصِيبَةٌ قَدْ أَصَبْتُم مِّثْلَيْهَا قُلْتُمْ أَنَّى هَـذَا قُلْ هُوَ مِنْ عِندِ أَنْفُسِكُمْ إِنَّ اللّهَ عَلَى كُلِّ شَيْءٍ قَدِيرٌ }

والله كلام عاد

» تاني عشان ما نمشي ضهب . . . .