لقاء المكاشفة (حول المنظمة)

تذكير بمساهمة فاتح الموضوع :

ابو فرح كتب:: الاخ سيف يجب ان نتحرك بسرعة ونعمل حاجة

لك التحية يا ابو فرح على هذه الهمة العالية
واستفسارك هذا الهمني بفكرة هذا البوست , لنمارس فيه النقد الذاتي ونقيس المسافة المقطوعة من المسافة المتبقية , والايجابيات والسلبيات , أملا في التجويد والانجاز

الايجابيات :
* اول الايجابيات كان اجتماعي معك يوم الخميس والافكار النيرة التي وجدتها
لديك والخبرات الكبيرة التي لمستها لديك في العمل الطوعي والتي بالتأكيد
سنستفيد منها كثيرا
* بعد عودتي من لقائي معك علمت من الشباب أنهم وقعوا عقد ايجار مقر المكتب والكائن خلف موقف مواصلات بربر
* وفي اجتماعنا القادم معك يوم الجمعة نضع معا اجندة ومقترحات ونبدأ تنفيذها مباشرة انشاء الله

السلبيات :
* لدينا حتى الآن 30 عضو خارجي نسبة سداد الاشتراكات بينهم لا تتعدى الاثنين بالمائة
* لدينا حتى الآن 42 عضو داخلي نسبة سداد الاشتراكات بينهم لا تتعدى الواحد بالمائة
* المكتب التنفيذي لا يعمل بطاقته القصوى , ونأمل معالجة هذه المشكلة , فالعمل كبير ويحتاج لمجهود الجميع

مجاهدمحمدعثمان كتب:: ناصر خلف الله كتب
السيد الرئيس انت في الإجتماع الاخير زكرت انه لا احد شغال غيرك وانك شايل الشيله براك ولهذا السبب قلت اريد أمين عام يشيل عني يشويه.

*من المؤكد لابد من الأمين العام لو ماكان ليهو داعي ماكان بيجيبوهو بي جمعية عمومية
*أصعب مافي العمل أن تخطط أن تقيم برناج أو تنتج فكرة عمل هات الأعمال التي قامت بها المنظمة أرجع للمحضر بتاع قيام كل عمل وأحصر وقيم فلذلك لابد من التفكير الجماعي حول والتي نفذت والتي لم تنفذ ونأتي بأسباب الأعمال التي لم تنفذ حتى الآن مثل:ـ
موضوع الطفلة بتاعت الأسنان الحفل الخيري اللافتة الختان عيد الأم اللقاء مع كل من خوجلي وعبدالله دينق. وحاول شوف مهام الرئيس شنو مع إني دي ماعندي فيها إعتراض
وحبة توضيح برضو كنت أقصد إنو الشغل ماشي كبير وعلي براي في حتة المسؤولية المالية
وغيرها لبد من أمين عام يشيل معاي الشيلة لأنو في ناس مابقدمو طلبات شراء لي حاجات بي أسمائهم بقولو دايرين يكونو بعاد من الحتة دي.
ناصر كتبكلام جميل كونه علي درايه بالعمل الطوعي ولكن الفتره هى 3 شهور وبعدها جمعيه عموميه لان المنظمه تحتاج الى امين عام اليس كذلك ياسيادة الرئيس
نعم وحتى الآن بتقولوا جمعية عمومية في الوكت دة غلط نحن متين بدينا طيب ماكنت داير نكلفو عشان يمشي الشغل ومانعمل جمعية عمومية .
ed

[color=olive]إنت عندك أمين عام تم ترفيعه ومسجل لدي المفوض ولم يتأخر عن إجتماع أو أي عمل بارغم من ظروف عمله وفي النهايه طلع خامل .

]ناصر خلف الله كتب
وقال الاخ ايمن للسيد الرئيس : يعنى الامانات الخامله داير تغيرها ؟
الم يكن هذا إجتماع بين السيد الرئيس والأمين العام الجديد على حد تعبيري
ولم يكن المقرر يعلم به .
شخص من خارج المكتب التنفيذي ويريد أن يعدل فى المكتب
اريد راي الإخوه فى هذا الموضوع .
طيب ورينا الفرق بين الإجتماع والنقاش. ولى أي زول يجي خاشي المكتب ويناقش مع الرئيس دة يبقى إجتماع .

ed
[color=olive]الفرق بينهما المحضر والله كيف ولكن السيد الامين الجديد طلب ورق وقلم وكتب نقاط وناقشها بالورقه والقلم فماهذا سيدي الرئيس ؟

]ناصر خلف الله كتب
اخي سيف أضرب ليك مثل عن فهم الريس إذا اتيت أنت مثلا الي عطبره وعندك إجازة شهر وقابلت السيد الرئيس وتكلمت له حول المنظمات والعمل الطوعي ففي هذه اللحظه يقول لك السيد الريس أنا دايرك معاي فى المكتب داير امسكك امانه لانو عندي خمول فى المكتب هل يعقل هذا الكلام أخي سيف هذا مايحدث معنا .
* أرجو منك أن تذكر الأسماء التي رشحتها بأن تعملمعنا في المنظمة وهي خارج عطبرة خلاف أيمن حتى لا تطلع كذااااااااااااب
المثل المضروب فوق ياريس للتوضيح انو جاك زول وإتكلم ليك عن المنظمات بغض النظر هو داخل او خارج عطبره .
محمد عمر عبيد قلت داير تجيبو راجع أمين عام والله أنا غلطان وقبل ذلك رشحت شخصيات مثل مدثر المصباح ، محمد البدوي- رئيس إتحاد الشباب محلية عطبره.
أنا لو طلعت كذاب هناك بند فى اللائحه يتكلم عن فقدان العضويه ومنها ان يكون قد صدر في حقه حكم يخل بالشرف والأمانه والكذب من الجرائم التي تخل بالشرف والأمانه فإذا كنت كذلك ارجوا تطبيق هذه اللائحه .

[

اخي تنقا مجلس الامناء لم يتم اختياره من جمعية عمومية فمجلس الامناء يتم تكوينه من المكتب التنفيذي
وهنا كان النقاش حول اختيار مجلس الامناء بعد تكوين المكتب التنفيذي اضغط هنا
واتانا الكشف النهائي بمجلس الامناء اضغط هنا
وحتي الان لم يفعل

[/quote]

محمد جمعة ليس من المعقول ولا من المنطق ان يختار المكتب التنفيذي من يقوم بدور الرغابة عليه وحسب معلوماتي المتواضعة فإن سلطة مجلس الامناء هي اعلي من سلطة المكتب التنفيذي فكيف يختار المكتب التنفيذي اعلي منه سلطة

امين الامانة الثقافية هنا الله جابك لي
هناك طلب قبل شهرين طلبتو من الشباب واخبروني بان الطلب حول لك
ووجدتك واكدت عليك بالاسراع فيه مع العلم ان هذا الموضوع لايكلف كل هذا الوقت
وللان لم ياتينا شئ لا ادري اليوم عندكم بكم يوم

1- مجلس الامناء لم تعينه الجمعية العمومية
عينه المكتب التنفيذي ونستطيع تغييره في اي وقت بدون جمعية عمومية
* ويوجد اقتراح في الصفحة السابقة حول مجلس الامناء يا تنقا ارجو الرجوع اليه وتورينا رأيك فيهو

2- وخلونا نكون عمليين ونكسب الوقت وكل زول يرشح واحد لمهمة (الامين العام)
انا عن نفسي ارشح الاخ محمدودعطبرة
وكل زول يعترض على مرشح يورينا اسباب الاعتراض بصورة واضحة

[/quote]

يا سيف نكون منطقين شويه لما المكتب التنفيذي يكون عندو صلاحيات تغيير مجلس الامناء ، كيف حيقوم المجلس بالدور الرغابي وهو ممكن يشيلو الزول البراغب فيه في اي وقت ...

الشي التاني :-
طالما انو الامين العام معين من الجمعية العمومية ما بتقدر تغيرو وتجيب واحت تاني الا بجمعية عمومية القانون واضح في الحته دي الضباط الثلاثة الذي تم انتخابهم بواسطة الجمعية العمومية لا يحق لاي جهة تغيرهم الا الجمعية العمومية نفسها

الاخ تنقا حسب دستور المنظمة الموجود هنا وفي الفصل الثاني المادة ستة
ومجلس الامناء ليس بمجلس رقابي اخي تنقا

طيب السؤال مجلس الامناء شغلو شنو ؟
والبيقوم بالدور الرقابي منو ؟

الدور الرقابي تقوم به مفوضية العمل الطوعي
اما مجلس الامناء فهو من الشخصيات الاعتبارية في المنطقة ويقدم الدعم والمشورة
ويساعد في استقطاب الدعم يعني هو الاب الروحي للمنظمة

أبو مريومة كتب
أنا داير أسأل سوال
هو منو البقييم ياناس والزول بقيمو بى شنو ولى شنو
والكلام ده كلو فى عمل طوعى
سبحان الله
وده كلو كوم والزول الأدوهو التقييم ده أول يوم يجى المنظمة

الزول بيقيمو بي شغلو وبي حلولو إتجاه المنظمة والمكتب التنفيذي كم من الأعمال العالقة حتى الآن والتي لم تشارك فيها منذ مدة وكم من الحلول التي تأتي للمكتب وأنت ترفض ولا تأتي بالجديد أو الحل البديل.
بالنسبة للكلام دة كلو في عمل طوعي . العمل الطوعي إلتزام ياسيد مالعب عشان أنا مطوع أمل متى ماشئت أو العكس. خطأ فادح على مفهومك للعمل الطوعي
*قلت دة كلو كوم والزول الأدوهو التقيم دة أول يوم يجي المنظمة.
يا أستاذ إنت الإتناقشت مع أيمن في الحديقة وحتى بتشرح ليهو بنعمل في شنو من الصفر.
بعد ماخلصت جيت لي مسألة الدعم ووصلتو لحدي موضوع أحمد الشايقي ووصلنا معاو وين . وإتفقتو حتقومو الخرطوم سوى عشان تقابلوهو هناك. وبعد داك قلتو خلاص يجي المكتب عشان يرتب معانا عشان هو عندو دراية بالعمل الطوعي وأنا لأول مرة أعرف المعلومة دي . وهذا ياسيد كان الإتفاق لو حاجة غير كدة ياريت توضحة (أيمن عثمان و محم كمال ) ممكن يجو خاشين هنا ويوضحو أكثر لو إنت ناسي أو أنا ناسي

محمد جمعة كتب:: الدور الرقابي تقوم به مفوضية العمل الطوعي
اما مجلس الامناء فهو من الشخصيات الاعتبارية في المنطقة ويقدم الدعم والمشورة
ويساعد في استقطاب الدعم يعني هو الاب الروحي للمنظمة

المفوضية تراقب في حدود صلاحياتها وقانونها ولا يحق لها تغير المكتب التنفيذي او حله او توجيهه كل ما عليها هي التاكد من ان هولاء الاشخاص لم يخالفو قانوها اما انهم اشتغلوا ما اشتغلو دي ما شغلتم وعند مثال لمنظمات كتير مسجلة ولم تقم بأي عمل منذ تسجيلها والمفوضية ما ادخلت ولا عملت حاجة

الركشة يامحمد جمعة تابعة لى دار حماية الطفل
يعنى سيف يصلح الركشة فى الرياض وإنت تكتب الطلب بتاع القروش فى القصيم

أبو مريومة كتب
الركشة يامحمد جمعة تابعة لى دار حماية الطفل
يعنى سيف يصلح الركشة فى الرياض وإنت تكتب الطلب بتاع القروش فى القصيم

* موضوع الركشة من البداية
عند زيارة المنظمة للمرة الثانية لدار حماية الطفل أفادونا بأن لديهم ركشة ولكن السواق كلو يومين بقول الركشة عاوزة حاجة بيجي يشيل القروش الجابة يلح بيها الركشة.
فإتفقنا معهم على أن نتكفل بصيانة الركشة بحكم إنضمام أكبر ميكانيكي لمنظمة. وهو علاء الدين عبداللطيف.
حضر السواق وورينا الرشة لعلاء الدين ووافق بالصيانة عند حدوث عطل.
* في المرة الثانية إتصلت ميرة الدار وتقول السواق قال الركشة عاوزة حاجة جانا في المكتب وناصر موجود مشيت لي علاء الدين أنا عشان بتاع الأمانة الإجتماعية شغال ووريتو الركشة بس مالقينا الإزبير في الورشة بقينا مطرين نشتريهو إشترينا الإزبير وجينا المكتب والموجودين في المكتب شايفين الإزبير . ومشينا الراجل وكلمت مصطفى . قال لا مابيكتب طلب عشان هو مابعرف إنو الكلام دة صاح ولى لا يمكن إنت ما إشتريت عادم. قلت صاح مامشكلة أنا غلطان.
* المرة التانية :ـ إتصلت المديرة قالت تلفون مصطفى مغلق والركشة متعطلة . وجاء السواق للمكتب . طواااالي دقيت لمصطفى في تلفونو التاني. قبل ماأعمل أي حاجة . للأسف برضو مصطفى رفض بحجة أنا مابفهم في الركشات وإنت بتفهم . قلت لا حتى أنا مابنفع أنت أمشي لي علاء الدين ومعاك الكشة قال لالا مابيعرفني . ياخ علاء الدين عارف الركشة والمنظمة. برضو رفض. طواااالي مشيت لي علاء الدين وأكد الإحتياجات وأدانا منها حاجتين وإشتريت حاجة. جيت للطلب برضو أخونا مصطفى رفض يكتب الطلب. وأخيرآ كانت حجتة مابحب إسمي يظهر في حاجات ليها علاقة بالقروووووش.

مجاهدمحمدعثمان كتب:: كانت حجتة مابحب إسمي يظهر في حاجات ليها علاقة بالقروووووش.

لقاء المكاشفة (حول المنظمة) - صفحة 10 120720

علي طول انا بفهم انو دا تهرب من المسؤلية

_____________________

نقطة نظام ياشباب
اشوف تكرار كلمة كذاب كترت هنا وفي بوست اخر
ارجو بان تبعد من المناقشة هذه الكلمة فهذا النقاش نريد منه تصحيح الاخطاء وتقارب وجهات النظر
اتمني ان يكون السؤال او الاجابة خاليات من هذه الكلمة او الكلامات المشابها لها
لان في الاخر بنقول اختلاف الراي لايفسد للود قضية ارجو واتمني البعد عن مثل هذه الكلمات
وربنا يوفقنا جميعا لما يحبه ويرضاه

طيب ياسيد البمنع شنو تكتب التصديق إنت براك مافيها حاجة فى إسم المنظمة مكتوب الخيرية يعنى كل البصادف ليه عمل خير فى دربو يعرضو لى للناس والناس تشوف الحاصل فيه شنو طيب هسى لمن جا موضوع العجلة (والمستعجل ) قلت ليه أجيب ليك الطلب قام عاكس بى حجة لازم نشوف موضوع الموتر داير شنو ونضيفهم مع بعض لكن القصة هى ماإضافة القصة كلها موضوع الطهارة ماإتسوى مافى منظمة تانى

طيب ياسيد قلت نشوف الموتر في الأول عشان المواتر دي ماكل أسبيراتها متواجدة في عطبر وغالبآ منلقاها إلى في الشركة يعني في الخرطوم زاتها جايز إلا الشركة
والموتر على حسب ماقلت موجود في السيالة يعني برضو مامشيت جبت ليهو خبر لحدي ماجت فكرة الجمعية العمومية!!!
كان القصد من الطلب يكون واحد . الطلبين ممكن يكونو من الخرطوم التوصيلة تكون وحدة بدل البنكلفو الليلة نكلفو بكرة برضو . بعدين دي الخرطوم .
* تصدق من كترة مابمشي بقعد مع الناس برة وأناقشهم أقصد إجتمع في أمور المنظمة طلع إنو أكتب طلب وأصدقو الموضوع دة غلط عند المراجع .

طيب ياربى المعتمد بتاعنا بتاع عطبرة لمن واقف فى نص الشرافة ويتبسم وبقول صدقنا لى الشرافة مبلغ 5 ألف جنيه ياربى حيكتبو ليه منو ( وإنت ليك 4 شهور ماقادر تقابلو )

نحسبها حساب لنخرج بنتيجة
قلت وقالو
المقترح كان كالآتي :ــ
1/ قلت نفوضو أمين عام . قالو مامكن تفويض
2/ قلت نتعامل مع الزول دة في الشغل وكأنه الأمين العام . مابيننا في المكتب التنفيذي . قالوا لا.
3/ قلت نعمل جمعية عمومية نجيب فيها أمين عام ونغير فيها الدستور يدي المكتب التنفيذي صلاحيات. قالوا لاجمعية عمومية تحل المكتب التنفيذي.ويجي مكتب تنفيذي جديد
4/ خلاصة كلام المقرر. إنو الشعب يريد إسقاط الرئيس.وليس النظام.
ملحوظة :ـ دايمآ الناس بتفصل إنو الجمعية العمومية بتكون الضباط الثلاثة فقط. والبقية بالمكتب التنفيذي يتم تكوينهم بواسطة الضباط الثلاثة .
فأرى من تلك المداولات . إقالة الرئيس.
ويكون الحل كالآتي :ـ
لنرى المنظمة تتقدم إلى الأمام.
إستقالة الرئيس في أقرب وقت ممكن . لتنعقد جمعية عمومية يأتي فيها المكتب التنفيذي برئيس جديد.
من أجل سير أعمال المنظمة المتراكمة. وسأقف جنبها جانبآ إلى جانب حتى درجة الصفر .
وأنا موافق على الإستقالة.

الاخ تنقا
* ومن يراقب مجلس الامناء ؟ ومن يراقب الجمعية العمومية نفسها ؟
* المنظمات الطوعية افضل رقابة لها هي (الرقابة الذاتية + المكاشفة على الهواء الطلق) التي نمارسها هنا , ولكن مع الاسف بح صوتنا مطالبين المكتب التنفيذي وأماناته أن يكتبوا (كل شاردة وواردة هنا أولا بأول) , والنتيجة هي ما تراه من هذه التراكمات التي عجزنا حتى عن قراءتها .. وما خفي أعظم !!
* بالنسبة للرقابة : في الصفحة رقم (5) من هذا البوست هنالك تصور عن الرقابة , ارجو ان تعطينا رأيك فيه
* بالنسبة لإعادة إنشاء مجلس الامناء واستحداث مجلس استشاري , في الصفحة رقم (13) من هذا البوست تجد اقتراح ارجو اعطاءنا رأيك فيه ايضا

الاخ بكري : الامانة الثقافية
أشهد له باهتمامه من اول يوم بموضوع (انغام عطبراوية) ولكنني طلبت منه التريث لحين (عمل الحساب البنكي للمنظمة + عمل دومين لموقع المنظمة) لتضمينهما في المطبوعة , والاسبوع القادم سيتم عمل الدومين ورفع الموقع (كننا منتظرين معلومات من الاخ محمد ميرغني عبد المجيد ولم تصل فقررنا رفع الموقع الى حين وصولها)

الاخوة في المكتب التنفيذي وأماناته
* هذه حساسيات نتيجة ل(تراكمات) وليست المكاشفة التي كنا نتمناها هنا : أن نناقش كل صغيرة وكبيرة في وقتها وبكل وضوح وصراحة
* لماذا كان الصمت عن كل الذي نسمع به اليوم لاول مرة ؟
* لذلك لأول مرة منذ انشاء المنظمة أجد نفسي غير راغب في التداول حولها , لأنني استشف من الحوار الدائر أن هنالك الكثير من المخفي والمسكوت عنه الذي يفرق ولا يجمع ولا يفيد المنظمة , هذه ليست الروح التي بدأنا بها وأردنا ان نستمر بها
* الأمر ليس مناصب , بل (مهمات) تتطلب عمل بتجرد وفي الخفاء لأنه يعادل إنفاق المال من الجيب , تتطلب ذوبان الفرد في الجماعة
-----------------------------------------------
++ لا يختلف اثنان من المتابعين للمنظمة أن هنالك أمانات خاملة وأمين عام وجوده ضروري ومفقود , وابسط دليل :
1- يكاد شهر مارس ينصرم ولم يتم رفع التقرير المالي الربع سنوي كاملا
2- موضوعي خوجلي هاشم وعبد الله دينق لا يتطلبان امكانيات ولم يتم انجازهما
3- هنالك أمانات لا خطط لديها حتى الآن

++ لذلك لن ادخل بوست المكاشفة هذا إلا بعد اتفاقكم (في الداخل) على طريقة لملء الامانات الناقصة ومجلس الامناء (جمعية عمومية تكميلية أو حتى حل المكتب التنفيذي وانتخاب مكتب جديد) وما نحن الا جنود مجندة فقط .. نعمل مع أي مكتب بشرط أن يكون منسجم ومتناغم يعمل بروح الفريق ونكران ذات كما كنتم سابقا.

موضوع: رسالة الخميس مارس 24, 2011 5:09 am

والله ياسيوف كلامك عين العقل بس الحاجات الشايفة دى كان بين إتنين دخل الثالث عملو إتنين غير الإتنين الأولانين وأنا من هنا بقترح إجتماع لى المكتب التنفيذى بل وكمان معاهم الناس الحادبين على المنظمة وانا شايف الإجتماع ده الناس حتصل لى نتيجة مرضية للجميع

سيف الدين كتب:: ++ لذلك لن ادخل بوست المكاشفة هذا إلا بعد اتفاقكم (في الداخل) على طريقة لملء الامانات الناقصة ومجلس الامناء (جمعية عمومية تكميلية أو حتى حل المكتب التنفيذي وانتخاب مكتب جديد) وما نحن الا جنود مجندة فقط .. نعمل مع أي مكتب بشرط أن يكون منسجم ومتناغم يعمل بروح الفريق ونكران ذات كما كنتم سابقا.

الاخ سيف إنشاء الله المسأله دي تتحل والمنظمه سائره الي الأمام بإذن الله واوعدكم ان اكون مع المكتب الجديد في كل صغيره وكبيره واحضر الي المكتب كالعاده واتابع مع المكتب الجديد كل الاعمال لانو جينا من اجل عطبره
نبتغي مرضات الله سبحانه وتعالي
إعتزار الى الساده اعضاء منظمة عطبره الخيريه وأعضاء منتدي عاصمة الحديد والنار آسف جدا علي الردود الفائته ولكنى انفعلت وحاولت اطلع ماعندي وأتمني أن يستفيد المكتب الجديد من أخطائنا هذه ولكم مني العتبي حتي ترضوا.
السيد الرئيس اسف جدا إذا كتبت اي كلام ضايقك لكني انفعلت وحاولت ان اقول الحقيقه واوضح الأمر لان هناك أعضاء انشط منا في هذه المنظمه لم يعرفوا مادار في هذه الفتره .
(إن النفس لأمارة باسوء إلامارحم ربي إن ربي غفور رحيم )

معا نمسح دمعه ونرسم بسمه (من غير منصب)

اللهم إنا نسألك العفو والعافيه
اللهم إنا نسألك رضاك والجنه
اللهم سدد خطانا ووفقنا الي ماتحب وترضي
اللهم وفقنا الي عمل الخير
اللهم اجعل منظمة عطبره الخيريه من أكبر المنظمات الخيريه فى العالم اللهم صلي علي محمد وعلي آله وصحبه أجمعين

بس في حاجه صغيره نسيتها قبل الدعاء السيد الرئيس بعدالإعتزرتزكرت مقوله قلت لي انت اليم عندما تقابلنا في المكتب (إنك ح تطفشني من المنظمه )
أنا بقول ليك لن اطفش سيدي الرئيس ولكني سأعمل من خارج المكتب الذي سوف يتم تغيره فى الجمعيه العموميه حتي لو كنت انت الرئيس
آسف علي ذكر هذا الكلام بعد أن إعتزرت لكن ..

طيب ياأخوانا هنا يظهر الجيش وسوف أسمح لنفسى أن أكون واحد من الجيش :
الناس دى جنت ولا شنو غايتو أنا حاولت أستدرج الناس لى إنو كل واحد يقول العندو والناس تقييم ( كلها ) ودى فكرتى كانت ودى كان أبسط طريقة لى الناس البيدخلو المنتدى إنهم يرو كيف يسير العمل فى منظمتنا .
ياأخوانا المكتب التنفيذى لى هسى قااااااااااااااااعد ومافى حاجة إسمها مكتب تنفيذى جديد لى هسى مافى حاجة إسمها مكتب جديد ونرجع تانى لى إقتراحى بتاع قبيل الدعوة مفتوحة لى جلسة يوم الجمعة الساعة 11 ظهرا وده إقتراح مكتب تنفيذى وكل الناس المتابعين لى عطبرة الخيرية .
إنتو ياأخوانا ماعارفين نحن الكلمة دى بتعنى لينا شنو والجاية يجى وأنا واحد من الناس جاى وأتمنى الناس لمن تجى ماتجى بى ده رئيس ولا غفير أنا إقتراحى واضح أى زول بحب عطبرة الخيرية يجى
[b]

والراجل يجى يقول حاجة تانى

ناصر خلف الله كتب
بس في حاجه صغيره نسيتها قبل الدعاء السيد الرئيس بعدالإعتزرتزكرت مقوله قلت لي انت اليم عندما تقابلنا في المكتب (إنك ح تطفشني من المنظمه )

إستغفر الله العظيم واللهم لا إعتراض في حكمك ونسألة الله السلامة.
سنلتقي يوم الجمعة ويكون في مصحف إنت تحلف وأنا أحلف. والمكتب التنفيذ كلو جاي يوم الجمعة الساعة 11 . في حالت حلفت إنت ولى ماحلفت كدة أنا حأستغيل حأستغيل.
لأنو دي مسألة مابوافق عليها شيطان رجيم. وإنشاء الله يكون الكلام دة قدام زول .(نادر,مهند,مارية ست الشاي)ديل الناس القابلتك جمبهم عشان أعرض نفسي لي دكتور ومع إني في النقطة دي بالذات ما عارف ليه الكلمة المنعونا منها ديك ماعاوزة تجي في راسي . وسبحان الله . وبعدين الزول المفروض يطفش من المنظمة هو الزول البطفش الناس.
أكرر إستغالتي من المكتب التنفيذي بعد إكتمال إجراء المالية .البحنس فيهو الأمين المالي.
شكيت في عقلتك. ماوصلت لي حاجة ــ شكيت في عقلتي وما حيجيني نوم.
عشان كدة بقترح إنو موضوع الحليفة دة يكون بكرة وبحاول ألم أكبر عدد من الأعضاء.

السيد الرئيس في ردي قبل الأخير حبيت أقفل الموضوع لكن إنت ماداير كدا . كلام جميل
أول حاجه أنا مابحلف لأسباب منها إني أخاف الله رب العالمين لأن حليفة المصحف إذا أخطأت في كلمه حيكون حقي راح باقي عمري كلوا واي حاجه عملتها حتكون ضاعت والحمد لله أنا بصلي كل أوقات الصلاه .
وبالنسبه لإعتزاري إعتزرت لأن هناك اناس تعبوا من أجل هذه المنظمه ورايتهم غير راضين علي مانحن فيه فأردت أن اخفف عليهم لأن لاذنب لهم .
لكن انا ماعندي مشكله ان اكتب

اخوتي واحبتي جميعا
اكرر وكم كررت كثيرا فتحت المكاشفة لتدارك السلبيات وعلاجها
والحمد لله وضحت الان ما القصد منها والجميع تخوف منها لذلك اتت الترسبات
التي حدفت بالمكاشفة بعيدا عما ترمي اليه لذلك اتمني التوقف عن هذا لانه لو استمر بهذه الحالة
سيبقي موضوع تدمير المنظمة بدلا من اصلاح المنظمة
لذلك اتمني التوقف من هذه الطريقة التي تدار بها المناقشة فهي تصب في تدمير المنظمة
واعطي اقتراح بجلوس الجميع في جلسة تصافي من اجل القيم الجميلة التي جمعت الجميع تحت رأيتها
واقصد بالجلسة جميع اعضاء المنظمة الموجودين بالداخل والذين تسمح ظروفهم للحضور
وان تكون الجلسة ليس لنبش ماضي بل لوضع لمسات حقيقية لرفعت وتقدم المنظمة والاستفادة من الاخطاء الماضية
وان تكون الجلسة بنفوس صافية وصادقة وهمها الاول عطبرة وانسان عطبرة الطيب وابتغاء وجه الله سبحانه وتعالي
وارجو التشاور الهادف اكرر التشاور الهادف حول علاج نقاط الخلل
وان تفتح صفحة جديدة للتعامل الاخوي المبني علي المحبة الصادقة التي تؤدي للنجاح وتبقي المنظمة جبلا لايهزه ريح
ولذلك ارجو ادارة النقاش بالكيفية التي تنهض بها المنظمة وهي مناقشة تعديل الدستور وملء الفراغ في المكتب التنفيذي
والجدية من الامانات باحضار الخطط التي تصب في اهداف المنظمة وتوزيع
والاهتمام بتفعيل مجلس الامناء
والان وضحت لكم ماهي فائدة المكاشفة عندما تنزل فيها السلبيات اول باول لتداركها
وسوف تكون المكاشفة كرقابة للاداء وتصحيح الاخطاء
وللامام سيرو وعين الله ترعاكم
وربنا يوفقكم ويسدد خطاكم ونحن من خلفكم نشد من ازركم

وأنا أثنى رأى أخونا وحبيبنا محمد جمعة وأأكد إقتراحه أن يكون كل من لديه الحب فى هذه المدينة الغالية علينا أن يأتى يوم الجمعة الساعة 11 ظهرا

وإقتراح يامحمد جمعة لى المشرفين أن يقفلو بوست المكاشفة لى حين ونرجع ليه تانى
وإقتراح ثانى للمشرفين أن يقفلو أى موضوع تانى عن الأحداث السابقة برضو لى حين
ومافى عوجة تب بتحصل إنشاء الله الكريم

وانا اثتى الاخوان محمد جمعة وابومريومة فى قفل باب النقاش الان
الرسالة من المكاشفة وصلت وكل زول عرف الليه والعليه شنو
اقعدوا فى الواطة وعالجوا المشاكل بهدووووووووووووووووووووووء
تلقونا قدامكم دايما ان شاء الله

» منتدى المنظمة فقط لأعضاء المنظمة
» رسائل من بريد المنظمة
» دور ربات البيوت في المنظمة
» ملخص اجتماعات المنظمة
» اتفاقية شراكة بين المنظمة وبرنامج (بكره أحلى)