لقاء المكاشفة (حول المنظمة)

تذكير بمساهمة فاتح الموضوع :

ابو فرح كتب:: الاخ سيف يجب ان نتحرك بسرعة ونعمل حاجة

لك التحية يا ابو فرح على هذه الهمة العالية
واستفسارك هذا الهمني بفكرة هذا البوست , لنمارس فيه النقد الذاتي ونقيس المسافة المقطوعة من المسافة المتبقية , والايجابيات والسلبيات , أملا في التجويد والانجاز

الايجابيات :
* اول الايجابيات كان اجتماعي معك يوم الخميس والافكار النيرة التي وجدتها
لديك والخبرات الكبيرة التي لمستها لديك في العمل الطوعي والتي بالتأكيد
سنستفيد منها كثيرا
* بعد عودتي من لقائي معك علمت من الشباب أنهم وقعوا عقد ايجار مقر المكتب والكائن خلف موقف مواصلات بربر
* وفي اجتماعنا القادم معك يوم الجمعة نضع معا اجندة ومقترحات ونبدأ تنفيذها مباشرة انشاء الله

السلبيات :
* لدينا حتى الآن 30 عضو خارجي نسبة سداد الاشتراكات بينهم لا تتعدى الاثنين بالمائة
* لدينا حتى الآن 42 عضو داخلي نسبة سداد الاشتراكات بينهم لا تتعدى الواحد بالمائة
* المكتب التنفيذي لا يعمل بطاقته القصوى , ونأمل معالجة هذه المشكلة , فالعمل كبير ويحتاج لمجهود الجميع

هذا من ناحية يا ناصر ..
من ناحية اخرى :
* لما اكون انا رئيس المكتب/الامين العام واطلب من امين احد الامانات خطة عمله فيقول لي انها انتهت خلال ال3 شهور الاولى , فكيف ساقيس مؤشرات أداءه ؟ وهل ستظل تلك الامانة معطلة لل9 شهور التالية ؟؟

الأمر يتطلب تعاون وتضحية من الجميع , وإذا أي زول عنده رأي في أداء وتصرفات رئيس المكتب/الامين العام , يكتب هنا بصراحة ووضوح , أما الامتناع عن وضع الخطط ده غلط لانو بيعطل المنظمة وليس رئيس المنظمة فقط

تعالوا تعاركوا هنا بالحجج والبراهين ومؤشرات الاداء , المهم :
* ان يسير العمل بصورة صحيحة
* أن لا يكون الاختلاف حول الرؤى مدعاة للبغضاء والغضب من بعض
لأننا اجتمعنا على عمل نبيل يجب أن يوحد القلوب ويشيع المحبة مهما اختلفنا
لا غالب ولا مغلوب .. كلنا نطلع مغلوبين المهم المنظمة تطلع هي الغالبة

ناصر خلف الله كتب
السيد الرئيس انت في الإجتماع الاخير زكرت انه لا احد شغال غيرك وانك شايل الشيله براك ولهذا السبب قلت اريد أمين عام يشيل عني يشويه.

*من المؤكد لابد من الأمين العام لو ماكان ليهو داعي ماكان بيجيبوهو بي جمعية عمومية
*أصعب مافي العمل أن تخطط أن تقيم برناج أو تنتج فكرة عمل هات الأعمال التي قامت بها المنظمة أرجع للمحضر بتاع قيام كل عمل وأحصر وقيم فلذلك لابد من التفكير الجماعي حول والتي نفذت والتي لم تنفذ ونأتي بأسباب الأعمال التي لم تنفذ حتى الآن مثل:ـ
موضوع الطفلة بتاعت الأسنان الحفل الخيري اللافتة الختان عيد الأم اللقاء مع كل من خوجلي وعبدالله دينق. وحاول شوف مهام الرئيس شنو مع إني دي ماعندي فيها إعتراض
وحبة توضيح برضو كنت أقصد إنو الشغل ماشي كبير وعلي براي في حتة المسؤولية المالية
وغيرها لبد من أمين عام يشيل معاي الشيلة لأنو في ناس مابقدمو طلبات شراء لي حاجات بي أسمائهم بقولو دايرين يكونو بعاد من الحتة دي.
ناصر كتبكلام جميل كونه علي درايه بالعمل الطوعي ولكن الفتره هى 3 شهور وبعدها جمعيه عموميه لان المنظمه تحتاج الى امين عام اليس كذلك ياسيادة الرئيس
نعم وحتى الآن بتقولوا جمعية عمومية في الوكت دة غلط نحن متين بدينا طيب ماكنت داير نكلفو عشان يمشي الشغل ومانعمل جمعية عمومية .
ناصر خلف الله كتب
وقال الاخ ايمن للسيد الرئيس : يعنى الامانات الخامله داير تغيرها ؟
الم يكن هذا إجتماع بين السيد الرئيس والأمين العام الجديد على حد تعبيري
ولم يكن المقرر يعلم به .
شخص من خارج المكتب التنفيذي ويريد أن يعدل فى المكتب
اريد راي الإخوه فى هذا الموضوع .
طيب ورينا الفرق بين الإجتماع والنقاش. ولى أي زول يجي خاشي المكتب ويناقش مع الرئيس دة يبقى إجتماع .

ناصر خلف الله كتب
اخي سيف أضرب ليك مثل عن فهم الريس إذا اتيت أنت مثلا الي عطبره وعندك إجازة شهر وقابلت السيد الرئيس وتكلمت له حول المنظمات والعمل الطوعي ففي هذه اللحظه يقول لك السيد الريس أنا دايرك معاي فى المكتب داير امسكك امانه لانو عندي خمول فى المكتب هل يعقل هذا الكلام أخي سيف هذا مايحدث معنا .
* أرجو منك أن تذكر الأسماء التي رشحتها بأن تعملمعنا في المنظمة وهي خارج عطبرة خلاف أيمن حتى لا تطلع كذااااااااااااب
* من غيري أتى بأشخاص لكي ينصبهم لمنصب الأمين العام أو حتى ليدلونا برأي ونحن على أعتاب الطريق.

السيد المقرر سبق وأن طلبت منك الإتصال بالأمانات عشان تجيب الخطط ونشتغل منها بعد رفض البرامج التي رفضت بدون سبب مقنع وقفتها عشان ما أكون دكتاتور زي مابتقول
قلت لا أنا الناس ديل مابقول ليهم لأنهم مابيسمعوا كلامي حلقي إتشرط معاهم أضرب ليهم إنت رئيس المنظمة.
طلبناها بي رسالة الناس زعلت
ياريت تحاول تكتب كل المشاكل حتى ولو ماعارف أسبابها عشان العارف يوريك ويوري الباقين.

خلاصة ما سبق :
* عدم وجود امين عام متفرغ ومتابع للأمانات وضع عبئا اضافيا على رئيس المكتب التنفيذي
* يجب تعيين امين عام (متفرغ ولصيق بالامانات أهم من كونه خبيرا) فورا
* من باب (الرقابة الذاتية التي تناقشنا عنها سابقا) المفروض كل أمانة تعمل خططها وتسعى لتنفيذها حتى في حالة عدم وجود رئيس/امين عام , ولكن مع الاسف هذا لم يحدث .. واعتقد أن هذه هي مشكلتنا الكبرى
فنحن مش موظفين عشان ننتظر امين عام يشغلنا ويراقبنا
ـــــــــــــــــــــــــــ

وعلى الهامش:
الطفلة بتاعت الأسنان + اللافتة
ديل اول مرة اسمع بيهم
نحن مش كنا اتفقنا انو ما عندنا لافتة ؟؟

ناصر كتب
التالي :
الرئيس : مجاهد محمد عثمان --- نشيط
نائب الرئيس : الآء عبد السلام --- خامل
الامين العام : محمد عمر--- قدم استقالتوا
نائب الامين العام : على عبد الله--- يشغل الان منصب امين عام خامل
الامين المالى جيهان احمد فضل الله --- يعنى
نائب الامين المالى : محمد عبد الله --- خامل
الامين الاجتماعى : مصطفى ميرغنى --- فى البدايه كان نشيط لكن اسه خامل
امين الاعلام والعلاقات العامه : مهند السر --- غير جدير بهذه الامانه
امين شئون العضويه : نادر عز الدين --- دا الزول الممكن اقول ليك شغال
المقرر : ناصر خلف الله --- لم يزكر عنه شئ لافعال ولانشيط
* طيب دي زيادة تاني لكي يتضح الأمر للأعضاء أيضآ
*ماسأل من الرئيس عشان أشكر ليهو نفسي إلا يكون كتب براهو
*الأمانة الثقافية فورة لبن وبقت مابتجي المكتب طوالي سمعنا زعلان من رئيس المنظمة.
بس ماعارفين السبب؟ وهل بيمنع حضورو للمكتب؟ صاح العقد بي إسمي بس هو مكتب المنظمة . وياريت نعرف أسبابو هنا في المنتدى
وأخيرآ دي وجهة نظري الحالية لتقيم المكتب التنفيذي.
وياريت بما أنك مقرر برضو تجيب مؤشرات قياس الاداء

سيف كتب
وعلى الهامش:
الطفلة بتاعت الأسنان + اللافتة
ديل اول مرة اسمع بيهم
نحن مش كنا اتفقنا انو ما عندنا لافتة ؟؟
دي لافتة إعلانية صنعت لتكون متواجدة كإعلام للمنظمة بإستاد عطبرة ومجانية بدون رسوم لإدارة الإتحاد صدت والدوري الممتاز الجاي قرب.
الطفلة العندها مشكلة في المدرسة التي كسرت أسنانزمياتها ومن المفترض أن يدفع ولي أمرها الغرامة وهي أمها لأن أبوها متوفي أو تدخل الأم السجن.

بعد التحيه وكل الاحترام
ما إسم هذه المنظمه

d]ناصر كتبكلام جميل كونه علي درايه بالعمل الطوعي ولكن الفتره هى 3 شهور وبعدها جمعيه عموميه لان المنظمه تحتاج الى امين عام اليس كذلك ياسيادة الرئيس
نعم وحتى الآن بتقولوا جمعية عمومية في الوكت دة غلط نحن متين بدينا طيب ماكنت داير نكلفو عشان يمشي الشغل ومانعمل جمعية عمومية .

طلب اقامة جمعية عمومية هو حق مشروع للرئيس في اي وقت حتي ولو كان بعد يوم واحد ...

وقبيل في الجمعية العمومية الأولي نحن لما قلنا الجمعية تختار الرئيس بس وتديهو صلاحيات التعليين لباقي المكتب التنفيذي كان هدفنا ندى مساحة اوسع للرئيس عشان يقدر يشتغل وهو مرتاح ويختار ناس يعرف يشتغل معاهم لان العمل الطوعي عمل ما ساهل وحاااااااااااااااااااااااااااااار وما اي زول بيقدر يركز فيه ....

ناصر خلف الله كتب

شخص من خارج المكتب التنفيذي ويريد أن يعدل فى المكتب
اريد راي الإخوه فى هذا الموضوع .

من هو الشخص ؟ وما نوع التعديل ؟

أنا داير أسأل سوال
هو منو البقييم ياناس والزول بقيمو بى شنو ولى شنو
والكلام ده كلو فى عمل طوعى
سبحان الله
وده كلو كوم والزول الأدوهو التقييم ده أول يوم يجى المنظمة

ابومريومة كتب:: أنا داير أسأل سوال
هو منو البقييم ياناس والزول بقيمو بى شنو ولى شنو
والكلام ده كلو فى عمل طوعى
سبحان الله
وده كلو كوم والزول الأدوهو التقييم ده أول يوم يجى المنظمة

ابو مريومة

كل الود

الجهة المفروض تقييم وتوجه وتنصح حسب القانون هي مجلس الأمناء وللأسف الشديد انا ما شايف في مجلس أمناء في المنظمة دي عشان كدا انا بايد فكرة قيام جمعية عمومية ..

الزول دا منو ؟

الزول ياأخونا تنقا وللأسف الشديد صديق صدوق وعزيز على أنا شخصيا ولكن المشكلة ما فيه هو المشكلة فى الرئيس حقنا الأول مايشوف ليه (لعبة يقول دايرة ) تبقى ليه أمين عام ويفتش عن سبب لضم ذلك الشخص وفى هذه المرة وصل الحد إلى أن يضحى بالمكتب التنفيذى جميعه وذلك لوجود غلط تم التنبيه له

وأنا أرى من الجميع أن يأتى إلى هنا ويقول رأيه ومعاكم الليلة للصباح

العمل الخيري لايرجي منه الاّ ابتغاء وجه الكريم الله سبحانه وتعالي
المنظمة قامت علي احترام الرأي والرأي الاخر

واختلاف الرأي لايفسد للود قضية
فلذلك فتح بوست المكاشفة والغرض منها مشاركة الجميع لعلاج الخلل والمشاكل للخروج بالعمل الطوعي الامثل
للاسف ابتعد منه الجميع وكثيرا اتت المناداة بكتابة أي خلل او شكوي في المكاشفة لتدارك الحلول والعلاج
وهذا الابتعاد اتي الان بالترسبات التي هزت الاركان ولاندري ما خفية تاني
اولا وضح ضعف في عدم وجود الامين العام شئ جميل كيف نتداركه
المفروض الجميع ياتي باقتراحات اشخاص وبعد ذلك يختار الشخص الامثل
لكن تقول هذا لاينفع وهذا لايصلح ولم تاتي انت باقتراح شخص كيف يكون الحل

وما استغرب له الشئ المعروف بان المكتب لايقرر شئ الا باكتمال النصاب فكيف ياتي الانفراد بالرأي
وضع الخطط وتوزيع المهام لانجاز الاهداف هذا هو النجاح للخروج بالعمل الامثل
ولابد من تفعيل مجلس الامناء لمتابعة العمل والادلاء بالرأي واستقطاب الدعم
فعدم تفعيل مجلس الامناء ادي لهذا الخلل
ايضا ملاحظة الحيادية لاتمنع دخول أي من كان للمنظمة وتقديم مافي وسعه من اجل عمل الخير
بغض النظر عن لونه السياسي او مذهبه الديني فكل من ياتي لعمل خير دون المساس بالحيادية والاستقلالية
فالمنظمة تفتح له ازرعها واخذه بالاحضان وتشد من ازره لتقديم الخير
فالمنظمة ليست لفلان ا وعلان فهي للجميع ومن الجميع قامت

محمد جمعة سلامات

انا اقترح عقد لقاء عام نناقش فيه هذه القضايا ولياتينا من يرغب في خدمة عطبرة

كل الود

tenga كتب:: انا اقترح عقد لقاء عام نناقش فيه هذه القضايا ولياتينا من يرغب في خدمة عطبرة
كل الود

ناهد كتب:: مفروض الناس تقعد مع بعض وتشوف الحاصل شنو واى قصور اوخلل الواحد يعالجو الهدف من المنظمة عمل الخير والتحدث عن هموم اهلنا فى مدينه عطبرة ونكون قريبين منهم

اراء واقتراح جميل واتمني ايضا النظر لمجلس الامناء وتفعيله

محمد جمعة

مجلس الأمناء الحالي علي ما اعتقد جابتو الجمعية العمومية وما بيتغير الا بواسطة الجمعية العمومية عشان كدا انا ايته اقتراح قيام جمعية عمومية ..

tenga كتب:: مجلس الأمناء داء علي ما اعتقد جابتو الجمعية العمومية وما بيتغير الا بواسطة الجمعية العمومية عشان كدا انا ايته اقتراح قيام جمعية عمومية ..

اخي تنقا مجلس الامناء لم يتم اختياره من جمعية عمومية فمجلس الامناء يتم تكوينه من المكتب التنفيذي
وهنا كان النقاش حول اختيار مجلس الامناء بعد تكوين المكتب التنفيذي اضغط هنا
واتانا الكشف النهائي بمجلس الامناء اضغط هنا
وحتي الان لم يفعل

tenga كتب:: محمد جمعة
مجلس الأمناء داء علي ما اعتقد جابتو الجمعية العمومية وما بيتغير الا بواسطة الجمعية العمومية عشان كدا انا ايته اقتراح قيام جمعية عمومية ..

1- مجلس الامناء لم تعينه الجمعية العمومية
عينه المكتب التنفيذي ونستطيع تغييره في اي وقت بدون جمعية عمومية
* ويوجد اقتراح في الصفحة السابقة حول مجلس الامناء يا تنقا ارجو الرجوع اليه وتورينا رأيك فيهو

2- وخلونا نكون عمليين ونكسب الوقت وكل زول يرشح واحد لمهمة (الامين العام)
انا عن نفسي ارشح الاخ محمدودعطبرة
وكل زول يعترض على مرشح يورينا اسباب الاعتراض بصورة واضحة

أنا عن نفسى أرشح مصطفى ميرغنى عبد الرحمن
الأمين الإجتماعى السابق للمنظمة وهو كذلك ( أبومريومة )

الاخ ابومريومة عنصر هام في المنظمة منذ انشاءها حتى الان ..
ولكنني أرى أنه غير مناسب ل(مهمة) الامين العام للاسباب التالية :
* الاخ ابومريومة ليست لديه القدرات الشخصية لامتصاص الغضب الناتج عن ضغط العمل مع الاعضاء , وهي نفس المشكلة التي وقعنا فيها مع الاخ الامين العام السابق
* الاخ ابومريومة يتهيب تولي المسئولية حسب كلام رئيس المكتب التنفيذي انه يرفض التوقيع على المصروفات
* الاخ ابومريومة جزء اساسي من المنظمة ولا نخشى عليه الانصراف عنها , لذلك افضل ان نكسب عنصر جديد داخل الدائرة

ده الزول الممكن أثق فيه غايتو أنا وتانى ما أظن فى زول

تصحيح معلومة
سيف كتب

اقتباس :: * الاخ ابومريومة ليست لديه القدرات الشخصية لامتصاص الغضب الناتج عن ضغط العمل مع الاعضاء , وهي نفس المشكلة التي وقعنا فيها مع الاخ الامين العام السابق

تعرف ياسيف ده التقييم الجاب المشاكل ( تقييم فردى وغير صحيح ممكن يكون )
ولى هسى ممكن يكون غير صحيح

بعدين إتخيل نفسك يا سيف زول قال ليك ياسيف أنا صلحت الركشة وجبت ليها إسبيرات طيب أنا أثق فيك ياريس لكن ماأثق فى الركشة ولا الزول السايق الركشة ولا أسياد الركشة وأنا عندى مبدأ حاجة ماعملتها مابسويها لى زول وفهمى فى الحتة دى الزول السوى الحاجة هو اليوقع وهو اليطلب وإذا فى زول عند و غير كدة يجى يقول وبعدين هل تصدق إنو هذه الركشة المزكورة مافى أى زول بتابعها بس يجى ويصدق له وأنا دائما حريص على أنو حق المنظمة مايمشى ساكت بل يتابع حتى بعد العطاء ده فهمى فى الحتة دى

ابومريومة كتب:: هل تصدق إنو هذه الركشة المزكورة مافى أى زول بتابعها بس يجى ويصدق له

من اين اتت هذه الركشة وهل تتبع للمنظمة ام تتبع لجهة اخري
امس ايضا سمعت بموضوع الركشة دي فماهي حكايتها
اتمني تمليك المعلومة كاملة للجميع

عدد الرسائل : 6 1 : تاريخ التسجيل : 28/12/2010

ة الثقافية فورة لبن وبقت مابتجي المكتب طوالي سمعنا زعلان من رئيس المنظمة.
[color=darkred]منو القاليك بنتحمل فراق عينيك
سيدي الرئس السلام عليكم ورحمة الله .
هل تغيبت عن أي اجتماع دون تقديم اعتزار؟
وكم كانت فترت الغياب التى تغيبتها؟
وهل رفضت اي تكليف قدم للامانه ؟
مع العلم بانى لم اغيب عن المكتب لمدة يومين متتاليين ان لم اكن داخل عطبره
ب النسبه لاخر الاعمال للامانه الثقافيه في حوزتى الان سلسلة انغام عطبراويه
وقد تقدمنا بها لجميع مطابع عطبره لمعرفة تكاليف الطباعه واليوم زهبت وزارة الثقافه والاعلام لتصديق المصنفات الادبيه وعلمت بعد ذلك ان السيد الرئس قد اوقف نشاط المنظمه مع العلم انى موعود باستخراج التصديق غدا

مجاهدمحمدعثمان كتب:: ناصر خلف الله كتب
السيد الرئيس انت في الإجتماع الاخير زكرت انه لا احد شغال غيرك وانك شايل الشيله براك ولهذا السبب قلت اريد أمين عام يشيل عني يشويه.

*من المؤكد لابد من الأمين العام لو ماكان ليهو داعي ماكان بيجيبوهو بي جمعية عمومية
*أصعب مافي العمل أن تخطط أن تقيم برناج أو تنتج فكرة عمل هات الأعمال التي قامت بها المنظمة أرجع للمحضر بتاع قيام كل عمل وأحصر وقيم فلذلك لابد من التفكير الجماعي حول والتي نفذت والتي لم تنفذ ونأتي بأسباب الأعمال التي لم تنفذ حتى الآن مثل:ـ
موضوع الطفلة بتاعت الأسنان الحفل الخيري اللافتة الختان عيد الأم اللقاء مع كل من خوجلي وعبدالله دينق. وحاول شوف مهام الرئيس شنو مع إني دي ماعندي فيها إعتراض
وحبة توضيح برضو كنت أقصد إنو الشغل ماشي كبير وعلي براي في حتة المسؤولية المالية
وغيرها لبد من أمين عام يشيل معاي الشيلة لأنو في ناس مابقدمو طلبات شراء لي حاجات بي أسمائهم بقولو دايرين يكونو بعاد من الحتة دي.
ناصر كتبكلام جميل كونه علي درايه بالعمل الطوعي ولكن الفتره هى 3 شهور وبعدها جمعيه عموميه لان المنظمه تحتاج الى امين عام اليس كذلك ياسيادة الرئيس
نعم وحتى الآن بتقولوا جمعية عمومية في الوكت دة غلط نحن متين بدينا طيب ماكنت داير نكلفو عشان يمشي الشغل ومانعمل جمعية عمومية .
ed

[color=olive]إنت عندك أمين عام تم ترفيعه ومسجل لدي المفوض ولم يتأخر عن إجتماع أو أي عمل بارغم من ظروف عمله وفي النهايه طلع خامل .

]ناصر خلف الله كتب
وقال الاخ ايمن للسيد الرئيس : يعنى الامانات الخامله داير تغيرها ؟
الم يكن هذا إجتماع بين السيد الرئيس والأمين العام الجديد على حد تعبيري
ولم يكن المقرر يعلم به .
شخص من خارج المكتب التنفيذي ويريد أن يعدل فى المكتب
اريد راي الإخوه فى هذا الموضوع .
طيب ورينا الفرق بين الإجتماع والنقاش. ولى أي زول يجي خاشي المكتب ويناقش مع الرئيس دة يبقى إجتماع .

ed
[color=olive]الفرق بينهما المحضر والله كيف ولكن السيد الامين الجديد طلب ورق وقلم وكتب نقاط وناقشها بالورقه والقلم فماهذا سيدي الرئيس ؟

]ناصر خلف الله كتب
اخي سيف أضرب ليك مثل عن فهم الريس إذا اتيت أنت مثلا الي عطبره وعندك إجازة شهر وقابلت السيد الرئيس وتكلمت له حول المنظمات والعمل الطوعي ففي هذه اللحظه يقول لك السيد الريس أنا دايرك معاي فى المكتب داير امسكك امانه لانو عندي خمول فى المكتب هل يعقل هذا الكلام أخي سيف هذا مايحدث معنا .
* أرجو منك أن تذكر الأسماء التي رشحتها بأن تعملمعنا في المنظمة وهي خارج عطبرة خلاف أيمن حتى لا تطلع كذااااااااااااب
المثل المضروب فوق ياريس للتوضيح انو جاك زول وإتكلم ليك عن المنظمات بغض النظر هو داخل او خارج عطبره .
محمد عمر عبيد قلت داير تجيبو راجع أمين عام والله أنا غلطان وقبل ذلك رشحت شخصيات مثل مدثر المصباح ، محمد البدوي- رئيس إتحاد الشباب محلية عطبره.
أنا لو طلعت كذاب هناك بند فى اللائحه يتكلم عن فقدان العضويه ومنها ان يكون قد صدر في حقه حكم يخل بالشرف والأمانه والكذب من الجرائم التي تخل بالشرف والأمانه فإذا كنت كذلك ارجوا تطبيق هذه اللائحه .

[

اخي تنقا مجلس الامناء لم يتم اختياره من جمعية عمومية فمجلس الامناء يتم تكوينه من المكتب التنفيذي
وهنا كان النقاش حول اختيار مجلس الامناء بعد تكوين المكتب التنفيذي اضغط هنا
واتانا الكشف النهائي بمجلس الامناء اضغط هنا
وحتي الان لم يفعل

[/quote]

محمد جمعة ليس من المعقول ولا من المنطق ان يختار المكتب التنفيذي من يقوم بدور الرغابة عليه وحسب معلوماتي المتواضعة فإن سلطة مجلس الامناء هي اعلي من سلطة المكتب التنفيذي فكيف يختار المكتب التنفيذي اعلي منه سلطة

» منتدى المنظمة فقط لأعضاء المنظمة
» رسائل من بريد المنظمة
» دور ربات البيوت في المنظمة
» ملخص اجتماعات المنظمة
» اتفاقية شراكة بين المنظمة وبرنامج (بكره أحلى)