حول المكتب التنفيذى للمنظمه

تذكير بمساهمة فاتح الموضوع :

اجتماع الامين العام بامانة المال

عقد الاخ محمد عمر عبيد الامين العام لمنظمة عطبره الخيريه ظهر اليوم الاربعاء الموافق 29/12/2010 فى تمام الساعه الواحده ظهرا اجتماع مع الامين المالى لمنظمة عطبره الخيريه الاخت رونق النيل وكان الاجتماع حول سير العمل فى امانة المال وكيفية تنظيم العمل داخل الامانه وخرج الاجتماع بالبنود الاتيه :-

1/ فتح حساب باسم منظمة عطبره الخيريه فى بنك الخرطوم فى بداية العام المقبل وذلك لان العمل فى البنوك موقوف هذه الايام باعتبار نهاية عام وكدت الاخت رونق النيل امينة المال بانه سوف يتم فتح الحساب فى الايام القليله القادمه مع بداية العام المقبل .
2/ على الامين المالى مراقبة اعضاء الامانه وتوجيههم ومحاسبتهم .
3/ تقديم تقرير شهرى – ربع سنوى – ونصف سنوى – وسنوى , من الامين المالى الى المكتب التنفيذى حول ميزانية المنظمه والاوضاع الماليه.
* ومن جانبها اكدت امانة المال ممثله فى الاخت رونق النيل الامين المالى للمنظمه الالتزام بكل البنود ورفع التقارير الى المكتب التنفيذى .

مقرر منظمة عطبره الخيريه

عدد الرسائل : 4 تاريخ التسجيل : 03/04/2011

جزاكم الله كل خير أيها الشباب الرائع وبإذن الله نكون عند حسن ظنكم. ولكن قد بحثت عن الخطط في هذا الرابط www.atbara-co.org
ولم أجدها. فمن الممكن أن تبلغونا بفترة كافية من قبل قيام البرامج وياحبذا إن وجدنا الخطط بارزة لي نرتب للمشاركة معكم. لكم خالص تحياتي

إنشاء الله

فوكس كتب:: بحثت عن الخطط في هذا الرابط www.atbara-co.org
ولم أجدها. فمن الممكن أن تبلغونا بفترة كافية من قبل قيام البرامج وياحبذا إن وجدنا الخطط بارزة لي نرتب للمشاركة معكم.

الاخ فوكس , لك التحية : الاطار العام لخطة العام الاول هنا
في الموقع (هنا)
وفي المنتدى (هنا)
والوسائل الكبيرة (حملة الملاريا , حملة النظافة) بتنزل في المنتدى قبل فترة كافية ..
× وكرسي ذوي الاحتياجات الخاصة يا ناصر ما سمعنا بيهو الا بعد التنفيذ
نأمل الاهتمام بملاحظات اخونا فوكس فهي تدل على متابعة دقيقة ورغبة جادة في العمل

مشكور الاخ سيف
وسوف نعمل بملاحظات اخونا فوكس جزاه الله خير بس نتمنى منه اذا كان خارج عطبره ان يرسل لنا بياناته علي الايميل ليتم تسجيله ضمن عضوية منظنة عطبره الخيريه

الشكر كل الشكر على من مر على هذا البوست
وكمان الشكر للاخ المقرر على تنزيل محضر الاجتماع ونتمنى تحقيق كل التكاليف فى موعهدها

الرحيم
الإخوة أعضاء المنظمةوالمكتب التنفيذي / تحية طيبة

إليكم بعض المتطلبات التي من المفترض يتم تنفيذها في إجتماع يوم السبت المقبل. لضمان سير العمل بصورة جيدة في المنظمة

(1) يحدد في خطاب الدعم بأن المنظمة لاتتعامل مع الكاش بمعنى يمكن للجهات الداعمة بأن تكتب شيك بإسم (منظمة عطبرة الخيرية) أو يتم توريد المبلغ بحساب المنظمة المكتوب على خطاب الدعم.

(2) علاقات التنسيق والزيارات الرسمية والمعاملات التي تتم بين المنظمة والجهات الخارجية . تتم بعد بعد تقديم طلب من الأمانةوإصدار خطاب رسمي .

(3) التقارير:ـ

(أ) التكاليف السابقة (ب) المنجز منها (ج) أسباب عدم التنفيذ (د) مقترحات الحلول (ه) يكون التقرير إسبوعي من كل أمانة ومكتوب
وتبليغ المقرر بما يدور أثناء اليوم عند الضرورة

(4) على أمنا الأمانات تقديم خطة العمل مفصلة على أن تكون مجازة من كافة أعضاء الأمانة. في سقف زمني لا يتجاوز السبت القادم موعد الإجتماع.

(5) الإجتماعات

الإجتماع الرسمي للمكتب التنفيذي مرة في الشهر
ويمكن أن يدعى لإجتماع طارئ في حالة الضرورة عند الحالات الملحة التي لاتحتمل الإنتظار.

(6)زيادة عدد الأمانات للنهوض بالمنظمة إلى الأمام.

* نتمنى من جميع الأعضاء الإدلاء بآرائهم ومقترحاتهم لكي نضمن سير العمل بالصورة التي تليق بالمنظمةهنا. وكما سيتم تبليغ كافة أعضاء المكتب التنفيذي للحوار هنا قبل الإجتماع المقبل
والله ولي التوفيق.

أثني جميع النقاط ما عدا النقطة رقم ( 5 ) .. الاجتماعات
× اعتقد مرتان في الشهر على الأقل افضل لضمان متابعة أكثر
خصوصا وأن النقطة ( 3 ) تتعلق بمتابعة التكاليف والانجازات

نقاط اساسية لسير العمل المنظم الذي يرتقي بالعمل الطوعي للامام
ولذلك اثنيها واضيف اليها في زيادة عدد الامانات المتخصصة
وايضا الاسراع في تقديم خطط العمل للامانات وترفع للمنتدي للمناقشة وطرح الافكار
ليساهم الجميع في ابدا الراي والخروج بالامثل لتجويد العمل
وايضا لابد من وضع المكاشفة امام الجميع ووضع السلبيات اول باول لتلافي فيها
قبل ان تتوسع وتاتي بانفجار لايمكن تلافيه بالسهولة
فمعالجة السلبيات اول باول يرتقي بنا للعمل الناجح بدرجة امتياز
وايضا اتني كلام الاخ سيف بان تكون الاجتماعات الدورية للمكتب التنفيذي مرتين في الشهر

تعليق علي النقطة رقم (1)
يعني اذا في احد المتبرعين او الداعمين في عجلة من امره وما عندو شيكات وهو في عجلة كما قلت ومافي اي طريقة الا ان يعطيك كاش نقول له لا يمكن ولا شنو

أثني رأي علي عبد الله حول النقطة رقم (1)

اخالف رأي سيف الدين ومحمد جمعة
واثني رأي ناصر خلف

بعد التحيه اتفق معكم فى ان مثل هذه الاققتراحات تقدم العمل للامام كما اتفق مع الاخ على عبد الله فى حته نحن لا نتعامل بالكاش لذلك ارجوا من الذين ادلوا برأيهم اساقةهذه الجمله بصوره ما حيث تمكن من يقرأها بفهم القصد من دون كتابتها مباشرة

علي عبد الله كتب:: تعليق علي النقطة رقم (1)
يعني اذا في احد المتبرعين او الداعمين في عجلة من امره وما عندو شيكات وهو في عجلة كما قلت ومافي اي طريقة الا ان يعطيك كاش نقول له لا يمكن ولا شنو

لك التحية والتقدير يا علي عبدالله على النقاش الموضوعي ..
× طيب من جهة أخرى يأتي سؤال آخر :
1- الاخ ابومريومة سبق وأن قال هنالك ناس قد يأتوا كاعضاء للمنظمة ولهم سمعة سيئة وغير مؤتمنين , ولكن لا نستطيع منعهم من المشاركة لأنهم ليس لديهم صحيفة سوابق جنائية
2- فإذا ذهب شخص لاستقطاب اموال باسم المنظمة , ثم وضعها في جيبه والمنظمة لا تدري عنها , فذلك سيؤثر على مصداقية وسمعة المنظمة مستقبلا ..
فكيف نحل هذا الاشكال ؟
الحل كما قال مجاهد (وكما قالت رونق النيل) :
* أن تتعامل المنظمة بالشيكات على حسابها الرسمي
* أن نوضح للمتبرع أسباب عدم قبولنا الكاش , وهو سيتفهم الامر ويحترمنا اكثر ويثق فينا
* فإن تعذر ذلك (كما في الحالة التي ذكرتها , وهي حالات نادرة وتكون بمبالغ قليلة) فلكل قاعدة شواذ ويمكن حينها التعامل بالكاش
* كما أن استقطاب الدعم المادي نفسه يجب أن لا يكون بصورة عشوائية حتى لا نقع في الحالة النادرة التي ذكرتها يا علي :
1- يجب ان تكون هنالك خطة لزيارات استقطاب الدعم المادي يخرج لها فريق مكون من 3 اشخاص يوقعوا على الاستلام النقدي إن اضطروا لذلك
2- يتم الإعلان عن التبرعات اولا باول على المنتدى
ــــــــــــــــــــــــــــــــــــــــــــــــــــــــــــــــــــــــــــــــــــ
تنويه : الاخوة المشاركين
1- هذا نقاش حول منطقة مقدسة عطبراويا اسمها (منظمة عطبرة الخيرية) ويجب أن يرتقي نقاشنا لمقامها
2- تم تعديل بعض المداخلات إما لأنها رمزية وغير مكتوبة أو لأنها غير لائقة
3- من هنا ولاحقا سيتم حذف وليس تعديل المناقشات التي لا تليق بمنظمة عطبرة الخيرية
ولكم العتبى
-----------------------------------------
* ذكرت لي الاخت رونق النيل ان الموظفة خيرتها ان تكتب شيك دعم المفوض باسمها , ولكنها رفضت وطلبت ان يكتب باسم المنظمة , حدث ذلك قبل نقاشنا هذا

دا كلام جميل جدا وليس تكرار للكلام لكنى قلت هذه النقطه اكثر من مره وبالفعل بدانا تنفيز زيارات الدعم من عده اشخاص وبأذنه تعالى ستكون زيارتنا مشكله من عده اشخاص لكى نتمكن من توصيل المعلومه الصحيحه للداعمين وظهورالمنظمه بشكل طيب امامهم وامام الجميع

محمد عبد الله عبد الجليل كتب:: وبالفعل بدانا تنفيز زيارات الدعم من عده اشخاص

وهذا هو المطلوب يا محمد .. لك التحية
السؤال :
هل رئيس المكتب التنفيذي لا يعلم بذلك حتى يعيد اقتراحه هنا ؟ هذه مصيبة !!
وإن كان يعلم .. فلماذا يطرح الاقتراح وكأنه غير معروف لديكم ؟

لو عايزين تعدلو ردودنا أنا واحد من الناس من اليوم برة منكم أرجو من الإخوة المشرفين عدم المساس بردودى فأنا بكامل قواى العقلية وأعرف ماذا يجب أن أكتب وما لا أكتب

لما يكون ردك (حروف مكتوبة) مافي زول بيهبشو
اما الرد بالوجوه الضاحكة فقط فسيضر النقاش ويزيد الحساسيات اكثر مما يفيد
فإذا ما عندك الا الوجوه التعبيرية (والشافع ابو بمبرز) .. الافضل ان تكتفي بالقراءة
علي عبد الله ومحمد عبد الجليل كتبوا وردينا عليهم , وانا بالذات استفدت كتير من مداخلة محمد عبد الجليل وكونت رأي عن الحاصل
ـــــــــــــــــــــــــــــــــــــــــــــــــــــــــــــــــــــــــ
والحساسيات البينكم دي كلها كانت بدايتها (مشروع الختان) الذي قيل ان النقاش فيه كان بالنظرات ..
وطلبنا منكم حينها ان توضحوا لنا هنا سبب الاعتراض على المشروع .. ولم يكتب احدكم شيئا ..
ولغاية الآن بنسأل : ما هو سبب رفض مشروع الختان الجماعي ؟
--------------------------------
وانا لقيت ود جمعة ومجاهد في الاسكايبي , وقلت ليهم تاني ما عاوز اناقش زول في الاسكايبي , ولو عندك حاجة يا مجاهد تعال اكتبها لينا هنا قدام الناس , عشان يطلع المستخبي .. واعتقد بدأ يطلع من الطرفين , ومداخلة ود عبد الجليل كانت مفيدة كما اسلفت

بدون الكتابة هنا لن نعرف ما يدور هناك
وما تفتكروا نحن متفرغين للكتابة والقراية , هسي شغال للتجهيز لاجتماع بكره وفي نفس الوقت بتابع معاكم هنا (بالكتابة)

وسنصل لحل لهذه الحساسيات (وليس الخلافات) من خلال (دستور المنظمة) وليس بمزاجي او مزاجك او مزاج رئيس المكتب التنفيذي

حتي لا نذهب لمنحي بعيد عن الغرض المطلوب من المناقشة وندخل في اشياء خاصة وشخصية
في النقاش الان داير حول نقاط مهمة ترسي قواعد صلبة للمنظمة
مع العلم بان اي شئ قابل للخطأ والصواب
لذلك لابد من النقاش الجاد للخروج بالحلول الامثل والافضل لتقدم المسيرة
ونرجو النقاش يكون في نقاط محددة واختلاف الرأي لايفسد للود قضية
وعندما يكون النقاش في الاشياء اول باول يبعدنا عن التركمات التي تؤدي للدمار
عندما يكون عندك منزل وجهلته من الصيانة اول باول فبالتأكد تراكم الخلل سيصيبه بالدمار الكامل
وهذا الخلل كان سيكلفك اقل لو عالجته اول باول ولكن عندما يكبر الخلل سوف يكلفك اكثر
لذلك هناك نقاط طرحت ويجب التفاكر بها بها للخروج بالاساس الثابت لنتمكن من الارتقاء والسمو الي اعلي والسير للامام
واتمني اي نقاش يناقش يكون في مكانه المحدد وموضوعه المفتوح له بهذا الشأن
واتمني ايضا من ينقض شئ يوضع حلول له لكي يناقش ايضا حتي نخرج بالمفيد
واكرر كل من يوضع راي لابد ان يعلم ان رأيه قابل للخطأ والصواب واختلاف الراي لايفسد للود قضية
والله ولي التوفيق

كده الكلام وااااااااااااااااااضح ومافى عوجة تب

طيب .. كده ممتاز , وعشان ما نعاين في الفيل ونطعن في ضلو :

سيف الدين كتب:: ولغاية الآن بنسأل : ما هو سبب رفض مشروع الختان الجماعي ؟

لانو دي هي الجابت كل الحساسيات المافي ليها داعي دي ..
وعلى خلفية ذلك السؤال , تقفز اسئلة اخرى , وعاوزين الاجابة من الدستور :
× رئيس المنظمة :
1- ما هو دوره ومهامه ؟
2- وهل قراره نهائي وملزم لبقية اعضاء المكتب ؟
3- وإذا ما كان نهائي وملزم : ما هي الآلية المتبعة حاليا في المكتب لاتخاذ القرار ؟؟
4- وإذا ما كان نهائي وملزم : من الذي يطلب من الامانات وضع خططها ويتابع تنفيذها (في عدم وجود امين عام)
اعتقد والله اعلم انو ده هو جوهر الموضوع ..
لانكم انقسمتم الى فريق رئيس المكتب والفريق المعارض بسبب موضوع الختان

جاء في دستور منظمة عطبرة الخيرية :
المادة السابعة : الهيكل التنظيمي
مهام واختصاصات المكتب التنفيذي :
1/ اختصاص رئيس المنظمة
1- يمثل رمز المنظمة
2- يرأس اجتماعات اللجنة التنفيذية والجمعية العمومية
3- له حق التصديق المالي والتوقيع على الشيكات مع الامين العام وامين المال
ـــــــــــــــــــــــــــــــــــــــــــــــــــــــــــــ
وفي نفس الفصل جاء :
اجتماعات المكتب التنفيذي :
ج/ يجوز للرئيس ان يدعو لاجتماع المكتب التنفيذي من يراه مناسبا من ذوي الخبرة او المعرفة او المستشارين (ودي حصل فيها جدل سابق مع انها موجودة في الدستور)
د/ يرأس المدير التنفيذي الاجتماعات وفي حالة غيابه يتولى رئاسة الاجتماع نائب المدير التنفيذي
هـ/ يكتمل النصاب القانوني لانعقاد المكتب التنفيذي بحضور 50% + 1 من عضويته
و/ تتخذ قرارات المكتب التنفيذي بموافقة الاغلبية العددية لاعضائه الحاضرين ويكون لكل عضو صوت واحد ولرئيس الاجتماع صوت مرجح في حالة تساوي الاصوات
(ودي معناها واضح : الكل يشارك في اتخاذ القرار + صوت اضافي للرئيس , ولو القرار النهائي جاء على غير ما يريد فليس من حقه ان (يحرد العمل ولا يحضر الاجتماعات) لأنه هو ايضا محاسب بالغياب والتسيب شأنه شأن الجميع )
ــــــــــــــــــــــــــــــــــــــــــــــــــــــــــــ
أها الكلام ده من الدستور : بيحل الحساسيات دي ولا في زول تاني عندو استفسار ؟

وعلى الهامش :
آخر عمل كبير نفذته المنظمة كان بتاريخ كم ؟؟

جاء في دستور منظمة عطبرة الخيرية :
المادة السابعة : الهيكل التنظيمي
مهام واختصاصات المكتب التنفيذي :
1/ اختصاص رئيس المنظمة
1- يمثل رمز المنظمة
كيف يكون رمزا للمنظمة وهو يأتي الي مكتب المنظمه مرتديا شورط (برموده) وماننسي انو مكتب المنظمه في السوق وكثير من الناس يعرف ان هذا هو مكتب منظمة عطبره الخيريه لما واحد يمر علي الناس وهو طالع الي المكتب مرتديا شورط فما هو منظرنا امام الناس ورئيسنا يمر عليهم مرتديا شورط .فهل هذا رمزا لمنظمة عطبره الخيريه ؟
2- يرأس اجتماعات اللجنة التنفيذية والجمعية العمومية
في اجتماع السبت 19/ 3/ 2011 كان السيد الرئيس يدير الاجتماع وهو لابس شورط (برموده ) وللاسف كان اجتماع مكتب تنفيذي يعني فيهو بنات وطبعا مارضينا لكن لو قلنا كدا ما في زول بي يصدقنا فلذلك التزمنا الصمت لانو ممكن يقول الكلام دا ماحصل وعادي يطلعونا كذابين.

لكى تكتمل الصوره بشكل اوضح ولكى نبعد من اى حساسيات لابد من اللجوء للمكتب التنفيذى فى اتخاذ اى قرار حتى ان كان هذا القرار من صلاحيات الرئيس عليه وضع هذا القرار فى حضور المكتب التنفيذي دون ابداء الراى بالنسبه للحضور فى حالت قرار من صلاحياته

19/3/2011 التاريخ ده يا ناصر بعد الاصابة بمرض الحساسية , ويمكن ده كان نوع من الاحتجاج
وهو تصرف مرفوض طبعا خصوصا في الاجتماعات , لو كان عمل ميداني (نظافة مثلا) كان ممكن تكون مبلوعة شوية
ــــــــــــــــــــــــــــــــــــــــــــــــــــ
شفتو المشي بالدستور مريح كيف ؟
----------------------
أثني راي الاخ نائب الرئيس (اوع يكون لابس برمودة برضو)

سيف الدين كتب:: 19/3/2011 التاريخ ده يا ناصر بعد الاصابة بمرض الحساسية , ويمكن ده كان نوع من الاحتجاج
وهو تصرف مرفوض طبعا خصوصا في الاجتماعات , لو كان عمل ميداني (نظافة مثلا) كان ممكن تكون مبلوعة شوية
للاسف كانت في إجتماع !
لو الناس ماصدقتني مامشكله عادي بقت بالنسبه لي دائما مطلعني كذاب عشان كدا ماشايل هم لى انو واحد يجي يقول لي كذاب
انا شخصيا عشان خاطر المنظمه بقيت اتحمل كتير ولسه والحمد لله
وربنا يصبرنا كمان وكمان .

الاخ ناصر هذا تصرف مرفوض بتاتا اذا بدر من اي عضو ناهيك انو يبدر من رئيس
وهنا السؤال الذي يفرض نفسه لماذا لم ينتقض الرئيس داخل الاجتماع ويوجه
ولماذا لم ينزل هذا الكلام في المكاشفة من قبل
حكاية مايصدقوك دي اجعلها بعيدا لان الموضوع داخل اجتماع يعني فيه اكثر من 5 اشخاص
يعني مايصدقوك دي موضوع غير وارد مادام هناك شهود موجودين
وهم افراد المكتب التنفيذي يعني ما اناس شاهدو الموقف وذهبو
وكما قال اخي سيف لماذا لانلتزم بالدستور فانه مريح ويجنبنا كثيراً من المشاكل

طيب اذا كان الاختلاف غى موضوع الحتان هل يدعى هذا الى ان الاخ الرئيس يتغيب عن الاجتماع وان يضع موجهاته للعمل عبر المنتدى فقط فطالما يريد اقتراح او نقاش شئ ما فمن حقه ان يعقد اجتماع لهذا الامر ناهيك من الاجتماع الدورى
ولا كلامى غلط

» ياناس الجمعيه العموميه للمنظمه خبرا شنوا
» التقرير المالى للثلث الاول من السنه الاولى للمنظمه
» شريط الجزيره للأخبار على سطح المكتب !!!
» الجمعية العمومية وأعضاء المكتب التنفيذي