لقاء المكاشفة (حول المنظمة)

تذكير بمساهمة فاتح الموضوع :

ابو فرح كتب:: الاخ سيف يجب ان نتحرك بسرعة ونعمل حاجة

لك التحية يا ابو فرح على هذه الهمة العالية
واستفسارك هذا الهمني بفكرة هذا البوست , لنمارس فيه النقد الذاتي ونقيس المسافة المقطوعة من المسافة المتبقية , والايجابيات والسلبيات , أملا في التجويد والانجاز

الايجابيات :
* اول الايجابيات كان اجتماعي معك يوم الخميس والافكار النيرة التي وجدتها
لديك والخبرات الكبيرة التي لمستها لديك في العمل الطوعي والتي بالتأكيد
سنستفيد منها كثيرا
* بعد عودتي من لقائي معك علمت من الشباب أنهم وقعوا عقد ايجار مقر المكتب والكائن خلف موقف مواصلات بربر
* وفي اجتماعنا القادم معك يوم الجمعة نضع معا اجندة ومقترحات ونبدأ تنفيذها مباشرة انشاء الله

السلبيات :
* لدينا حتى الآن 30 عضو خارجي نسبة سداد الاشتراكات بينهم لا تتعدى الاثنين بالمائة
* لدينا حتى الآن 42 عضو داخلي نسبة سداد الاشتراكات بينهم لا تتعدى الواحد بالمائة
* المكتب التنفيذي لا يعمل بطاقته القصوى , ونأمل معالجة هذه المشكلة , فالعمل كبير ويحتاج لمجهود الجميع

يا أخوان أستأذنكم لمحة ونرجع لى موضوع المكاشفة تانى حبتين وذلك لأنى رأيت أقوال تتناثر هناك بإنو فى ناس فى المكتب التنفيذى مسيطرين على العمل وإنو فى شباب الناس مادايرة تديهم فرصة يعملو وكمان قيل فى دكتاتور هنا عندنا فى المنظمة وأنا حبيت أرجع للمكاشفة عشان داير أعرف وين الناس البقولو عنهم ديل ونشوف ليهم علاج كلنا سوا كدا

ابومريومة كتب:: يا أخوان أستأذنكم لمحة ونرجع لى موضوع المكاشفة تانى حبتين وذلك لأنى رأيت أقوال تتناثر هناك بإنو فى ناس فى المكتب التنفيذى مسيطرين على العمل وإنو فى شباب الناس مادايرة تديهم فرصة يعملو وكمان قيل فى دكتاتور هنا عندنا
اعلى حسب تواجدنا داخل المكتب (المقر)وتعاملنا معهم لم نجد اى دكتاتوريه بل وجدنا ترابط وتعاون ليس الا
والناس البقولو فى دكتاتوريه ديل دايرنهم يجونا ويشوفو الحاصل شنوا
والدكتاتوريه دى كيف

الاخوان مصطفى ومحمد عبد الله .. السلام عليكم

ابومريومة كتب:: يا أخوان 1- أستأذنكم لمحة ونرجع لى موضوع المكاشفة تانى حبتين وذلك لأنى 2- رأيت أقوال تتناثر هناك بإنو فى ناس فى المكتب التنفيذى مسيطرين على العمل وإنو فى شباب الناس مادايرة تديهم فرصة يعملو وكمان 3- قيل فى دكتاتور هنا عندنا فى المنظمة وأنا حبيت أرجع للمكاشفة عشان داير أعرف وين الناس البقولو عنهم ديل ونشوف ليهم علاج كلنا سوا كدا

1- المكاشفة ما عاوزة استئذان , بندخل فيها توووش بنية صافية هدفها التوضيح وليس التوبيخ
2- (رأيت اقوال هناك) لا تعبر عن مكاشفة , يا ريت اقتباس او توضيح اكثر مع ذكر الاسماء لكي نسمع من الشخص المعني
3- الديكتاتورية انا نفسي وصمت بها من قبل لذلك اطالب معك بالكشف عن الديكتاتور الثاني ومن الذي وصمه بالديكتاتور !!!

إقتباسات من بوست فى المنظمة
سيف الدين كتب

اقتباس :: ذلك لأن :
1- المكتب التنفيذي لا يريد اعطاء الفرصة للشباب ليعملوا ..
قالوا اعضاء الداخل وصلوا 80 عضو قبل اسبوع , اليس فيهم من يتولى مسئولية الإعلام ؟
2- إذا كان كل العمل سيتوقف الى حين الانتهاء من مشروع واحد يتفرغ له كل المكتب التنفيذي ولجانه , فذلك يعني ان تنتهي السنة ونحن في مكانك سر ..العمل يجب أن يكون بالتوازي والتزامن : مكافحة الملاريا تعمل وفي نفس الوقت باقي الامانات تعمل بصورة منفصلة ويبقى دور رئيس المكتب التنفيذي الاشراف والتنسيق والمتابعة.

________للتوضيح ياأخوى سيف ولى ناس المنتدى خطة الملاريا كان تنفيذها صعب ليه :
طيب وقتين الناس قالت ليه نوضح بأنو مشينا أنا والأخت ندى هى مستئذنة من الشغل وأنا زائق من الشغل لى ناس الملاريا عشان نتفق معاهم يدونا خطة ننفذها ليهم وكان فكرتنا للخطة يدونا الطلمبات عشان نرش بيها البيوت ونقوم ننسق مع النوادى والزوى فى الأحياء كويس وهنا
1- تفعيل أمانة شئون العضوية بالإستقطاب
2- تفعيل أمانة الثقافة بالبرنامج المصاحب
3- تفعيل أمانة الإعلام بالرنامج المصاحب والملصقات والدعاية للمنظمة
4- تفعيل أمانة العلاقات العامة بذلك الإستقطاب ومن سوف يكون نتج عنه من تلك العضوية ( المقصود خيرين يعملون فى الظل وأصحاب نفوذ فى الحكومة وتجار )
5- تفعيل للمكتب التنفيذى لمواجهة المجتمع الخارجى وكيفية التعامل مع المجتمع الخارجى وتصحيح تلك المعلومات المشككة فى عمل المنظمات فى وقتنا الحالى
وكان كل ذلك بى إتفاق بجميع الناس وكانت خطة محكمة ولأنها فى البداية لكن وجدنا إن أخوانا فى الملاريا لديهم خلاف ذلك وقالو نحن أن نريد من المنظمة أن تعمل على تهيئة اماكن فى الأحياء لإقامة ندوات تثقيفية عن مكافحة الملاريا وهنا ظهر فشل بل جزء من فشل الخطة الأولى وهو بأننا حضور تلك الندوات سوف يكون ما بالوجه المطلوب لنا وأنا واحد من الناس خالفت رأى الناس بأن نقوم بذلك الدور البسيط وكانت فكرتى أن ذلك مدخل للأحياء ولكنه غير فعال فى زمننا هذا فالشباب فى بلدى يعشقون البرامج الجاذبة (طرب على قولهم ومزك وقصيدة ) ورأيت المحاضرات لا تلمس هواهم وإلى أخره
وحين وجدت الشباب تحمس للفكرة عملت معهم بكل إخلاص وكان خوفى من الفشل كبير وكل ذلك فى داخلى لم أخبر به أحد سوى الأخت ندى وذلك لأنها معى فى الأمانة الإجتماعية وحتى نفكر سويا إذا قدر لنا الفشل وبالفعل تم العمل وكان جماعى ولا توجد فيه شئ غير روح الجماعة تولى المقرر عمل الإعلام وذلك بتوزيع نبذة تعريفية عن المنظمة وكانت النبذة عبارة المقدمة من خطاب الدعم وتولى الأخ أبوبكر جزء من التنسيق مع النوادى وتولى أخونا نادر إستقطاب أعضاء جدد وتولى رئيس المنظمة الإشراف على العمل كله وتولى مصطفى وندى التنسيق مع ناس الملاريا وربط جدولهم مع جدول المنظمة وكذلك التنسيق مع النوادى وتحفيظ القران للنساء وتولى أخونا مهند السر التوثيق بالصور وتولى أخونا معتز تنسيق أيضا مع النوادى (ومعتز دا مامعتز بتاع الإعلام لأن معتز داك عملو فى التلفزيون يبدأ مساءاً عشان كدا هو بره الأسامى المذكورة وهذا هو كل ماعندى بخصوص عدم مشاركة باقى الشباب وكل من يأتى إلى المكتب له دور وذلك غير المكتب التنفيذى وآسف إذا نسيت زول والعمل لم يربط بالمكتب التنفيذى يوم والمكتب التنفيذى لا يذكر عندنا إلا إذا فى إجتماع ودا بخصوص النقاط أعلاه .
سيف كتب :

اقتباس :: قال ابو القاسم الشابي :
الديكتاتورية صفة غير حصرية للرؤساء
يمكنك ان تجد في العمل العام والخاص
من يقول : انا صح وغيري خطأ
ويحاول إمساك جميع الخيوط بيده
فهذا ديكتاتور صغير

عودنا أخونا سيف بتوقيعاته التى دائما ماترمز للمنظمة وما عهدنا غير ذلك فإعتبرت أنا شخصيا إن هذا التوقيع له صلة بالمنظمة وهذا فهمى أنا وإحتمال يكون فى رأى مخالف لذلك وحبذا لو يفسر سيف ذلك التوقيع حتى يعلم الجميع معناه ويكون فهمى قد خاب ظنه

طيب يا مصطفى ..
بالنسبة للجزء الاخضر :
* انا سمعت من الاخت ندى انو مصطفى اقترح في اجتماع تجميد باقي الامانات والعمل بالامانة الاجتماعية فقط في الوقت الحالي
* تم انزال برامج الامانات هنا وجميعها لم يكن لديها برامج سوى الامانة
الاجتماعية وبرنامجها تداخل فيه الصحي مع التعليمي مع الديني , مما أكد لي
أنك تقدمت بذلك الاقتراح
* وبعد أن كتبت انا أن المكتب التنفيذي لا يريد اشراك عضوية بلغت 80 عضو , بعدها بيوم (امس) تم انزال برنامج امانة الإعلام
* وقبل يومين الاخ محمد عبد الجليل قال أنه لم يسمع بامانة العلاقات العامة , مع أن اسمها مذكور ضمن الامانات
* الصور التي أرسلت عن الندوة اول ملاحظة عليها كان : الحضور + عدم وجود
لافتة قماشية , وبالامس أفادنا الاخ المقرر أنه تقرر عمل لوحة قماشية بعد
أن نبهكم محمد جمعة لذلك

بالنسبة للجزء الأحمر :
* منذ سقوط الرئيس التونسي انا غيرت توقيعي 5 مرات وكلها تبدأ بقال الشابي , واسأل المداومين على دخول المنتدى

بالنسبة للهامش :
لما نجد مدخل لمكتبة دبورة المفروض ننسق معهم لحقائب الطلاب المعسرين قبل قرطاسية مقر المنظمة
---------------------
ليس القصد تبخيس عملكم الذي نقدره مهما كان بسيطا بقدر ما هو تقييم لكل عمل
حتى يكون تغذية عكسية للعمل القادم , وانا كنت منتظر انتهاء الحملة تماما
ثم الدخول في مرحلة التقييم عشان ما تقولوا شغلتونا , بس لقيتك فتحت
الموضوع.
---------------------

وأخيرا :

ابومريومة كتب:: وكان خوفى من الفشل كبير وكل ذلك فى داخلى لم أخبر به أحد سوى الأخت ندى وذلك لأنها معى فى الأمانة الإجتماعية وحتى نفكر سويا إذا قدر لنا الفشل وبالفعل تم العمل وكان جماعى

* الفشل فشلنا جميعا , وكذلك النجاح , وهو ليس فشل وإنما محاولة وأي محاولة هي نجاح طالما كانت جماعية
* عدم اخبارك سوى ندى يناقض كون العمل جماعي

الاخ ابومريومة لك التحية اولا

وثانيا طلب المنتدي طرح البرامج والتحضيرات للخروج بالعمل الامثل وازالة الخوف من الفشل

واخي اذا طرح هذا البرنامج بهذه الطريقة من الاول كان اتت افكار الناس وتجويد العمل وعدم الاتكالية

والمعلومات التي عندنا هناك اتكالية في العمل علي جانب واحد مما يرهق هذا الجانب وهذا يأثر في جودة العمل
ناتي لطريقة المناقشة في هذا الموضوع اولا

ابومريومة كتب:: فكرتنا للخطة يدونا الطلمبات عشان نرش بيها البيوت ونقوم ننسق مع النوادى والزوى فى الأحياء كويس وهنا
1- تفعيل أمانة شئون العضوية بالإستقطاب
2- تفعيل أمانة الثقافة بالبرنامج المصاحب
3- تفعيل أمانة الإعلام بالرنامج المصاحب والملصقات والدعاية للمنظمة
4- تفعيل أمانة العلاقات العامة بذلك الإستقطاب ومن سوف يكون نتج عنه من تلك العضوية ( المقصود خيرين يعملون فى الظل وأصحاب نفوذ فى الحكومة وتجار )
5- تفعيل للمكتب التنفيذى لمواجهة المجتمع الخارجى وكيفية التعامل مع المجتمع الخارجى وتصحيح تلك المعلومات المشككة فى عمل المنظمات فى وقتنا الحالى
وكان كل ذلك بى إتفاق بجميع الناس وكانت خطة محكمة ولأنها فى البداية لكن وجدنا إن أخوانا فى الملاريا لديهم خلاف ذلك وقالو نحن أن نريد من المنظمة أن تعمل على تهيئة اماكن فى الأحياء لإقامة ندوات تثقيفية عن مكافحة الملاريا وهنا ظهر فشل بل جزء من فشل الخطة الأولى

اذا طرحتم الفكرة والبرنامج وتحضيراته هنا اولا كانت وضحت لكم فكرة اخوانكم في مكافحة الملاريا
لاننا سبق وطلبنا انو الاجتماعات تكون داخل اندية الاحياء في شكل ندوة تعريفية عن المنظمة
والحمد لله جاتكم فرصة اوسع وهي مكافحة الملاريا فكانت حتيكم فكرة بان الرش ليس وحده من ينشر المنظمة
لكن بالمحاضرات بالتعريف الشافي عن المنظمة ونقل ثقافة العمل الطوعي من خلال مع تنفيذ عمل الرش تكتمل الصورة
لانك لايمكن ان تدخل الحي وتشرح لكل واحد تدخل بيه وترش بالصورة الامثل فالندوات هي الامثل
وهذا المفروض يعد نجاح اكبر للخطة وليس فشل كما ذكرت
يعد نجاح اذا تم الترتيب بصورة اوسع ودراسة ويعد فشل لعدم الدراسة والترتيب الجيد
كيف اتفق الجميع علي العمل بدون ندوات تثقفية وكيف سيأتي عمل الامانات وتفعيلها بدون الندوات
هل كل الامانات حتدخل بيت بيت وتشرح ام سيتم تهيئة اماكن لطرح شرح عن المنظمة وثقافة العمل الطوعي

ابومريومة كتب:: ظهر فشل بل جزء من فشل الخطة
الأولى وهو بأننا حضور تلك الندوات سوف يكون ما بالوجه المطلوب لنا وأنا
واحد من الناس خالفت رأى الناس بأن نقوم بذلك الدور البسيط وكانت فكرتى أن
ذلك مدخل للأحياء ولكنه غير فعال فى زمننا هذا فالشباب فى بلدى يعشقون
البرامج الجاذبة (طرب على قولهم ومزك وقصيدة ) ورأيت المحاضرات لا تلمس
هواهم وإلى أخره
وحين وجدت الشباب تحمس للفكرة عملت معهم بكل إخلاص وكان خوفى من الفشل كبير

اولا الخوف من الفشل هو الدافع للنجاح
ثانية الترفيه الذي يتخلل الندوة شئ لابد منه مع اني اري تركيزك علي الشباب نعم الشباب هم الركيزة برضو الاباء والامهات ربات البيوت ايضا هم ركيزة للعمل الطوعي
برضو نرجع لطرح البرنامج كان ايضا وجدت الاقتراحات الامثل
وكما رايتم اخي ابسط شئ هو لوحة القماش كنتو ماجايبين ليها خبر من خلال نقاش عن الاعلام تذكرتم لوحة القماش والمفروض تكون موضوعة قبل الندوة بفترة كافية
فلذلك اخي نطالب بوضع كل امانة برنامجها للنقاش عبر المنتدي قبل التنفيذي لتري اقتراحات الجميع وتخرج بالعمل الامثل
وهذا ليس تبخيس لعملكم بل لتجويده

ابومريومة كتب:: والعمل لم يربط بالمكتب التنفيذى يوم والمكتب التنفيذى لا يذكر عندنا إلا إذا فى إجتماع ودا بخصوص النقاط أعلاه

كيف هذا لابد من ربط المكتب التنفيذي وكل واحد لابد ان يعرف مهمته واختصاصه لتجويد العمل وكيف يتم تفعيل المكاتب التي ذكرتها اعلي
اذا لم يربط العمل بالمكتب التنفيذي فهل تفعل
نعم العمل تكاملي لكن كلا في اختصاصه منعا لتداخل المهام والاتكالية
تاتي الامانة ببرامجها وتنظر اختصاص من يوافق معها في البرنامج وتطلب منه تنفيذ الجزء الخاص به
ويكون الاشراف والمتابعة للامانة صاحبة البرنامج

وهؤلاء من ذكرو لا احد يعرف شئ عنهم اذا لم تاتي للمكاشفة لايدري الجميع كيف يسير العمل وماهي الطريقة التي يسير بها العمل
واذا لم ياتي سو الفهم في توقيع سيف لما اتي توضيح الصورة للجميع
هذه فائدة المكاشفة
وربنا يخدر ضراعكم ويوفقكم ويسدد لعمل الخير خطاكم

الاخوه الاعزاء عندما قلت لم اسمع ب........ قصت الاتصالات وليس العلاقات العامه لانو الاخ سيف كان بيكتب عن امانه الاتصالات واتضح لى انها هى امانه العلاقات العامه

محمد عبد الله عبد الجليل كتب:: الاخوه الاعزاء عندما قلت لم اسمع ب........ قصت الاتصالات وليس العلاقات العامه لانو الاخ سيف كان بيكتب عن امانه الاتصالات واتضح لى انها هى امانه العلاقات العامه

الاخ محمد عبدالله الرد كان بتاعي انا وبسأل فيه عن ناس الاتصالات والتواصل وهم ناس العلاقات العامة
وحبيت اذكر الاتصالات والتواصل قبل ذكر اسمهم لانني صراحة لم اسمع باي اتصالات او تواصل من امانة العلاقات العامة
مع الشركات والمصالح الحكومية والمؤسسات الاهلية والمنظمات فهناك غياب عن الاتصالات والتواصل
وانت عندما قلت لم اسمع بها وجدنا ردك منطقي لاننا لم نري ولم نسمع بما قامت به العلاقات العامة

أها الشغلة جابت ليها تلفونات وياسيف قلت أى زول عندو حاجة يقولو فى المنتدى وأنا رجعت للمكاشفة لأنو لقيت فى تلفونات سرية وللأسف ماكانت سرية لأنو الناس البتضربو ليهم قاعدين ياإما معانا فى المكتب يا إما فى جلسات شاى بعد المغرب الناس مبرمجاهو طولت شفت كيف ولمن دخلت المكاشفة عرفت فى مطاعنات بالكلمات مافى داعى ليها وأنا خليت الشغل فى المنظمة من يوم لقيت رسالة من محمد جمعة بخصوص الصور وأنا قلت لى مجاهد سيف قال كدا وكدا بخصوص الصور وأنا عمرى فى المنتدى ماوعدت بى حاجة وأخلفت ومن الليلة بنزل من درجة وزير الإجتماعية الكنت أنا قايلها كدا بى فهم الجماعة البرة وما سيف براه

يا مصطفى ..
1- لم يكن تلفون (وليس سرا) بل كان سكايبي وانت قلت جهازك خربان وما فيهو سكايبي والجميع يعلم انني لا احب الاتصال بالتلفون إلا لأمور عاجلة, وانت اكتر واحد في المنظمة انا تكلمت معاهو بالتلفون وبالاسكايبي.
2- وفي الفترة الاخيرة بعدنا عن التلفونات والاسكايبي .. عشان ما نزعجكم ونعطلكم ونهبط حماسكم
3- البتسميها انت مطاعنات دي انا بسميها (اشارات لطيفة) لتنبيهكم الى سلبيات بدون الدخول في مجادلات
4- وطالما انت سميتها مطاعنات يبقى لازم اوضحها ليك بصراحة :
* انت جبت فكرة المكتب الجديد واصريت عليها , والفكرة دي أضرت بالمنظمة بصورة كبيرة , والكثير من الاعضاء غير موافق عليها وبدأ ياخذ خطوات للخلف بعد ان وثق في المنظمة .
* انت اقترحت تجميد باقي الامانات والعمل بالامانة الاجتماعية فقط , ودي ما مطاعنة ده كلام تم في اجتماع والناس هناك كلهم سمعوه , وتابعنا على مدى 17 يوم سكون تام لباقي الامانات.
5- الصور انا ما وعدتك بتنزيلها , قلت ليك رسلها لمحمد جمعة وهو ينزلها , محمد جمعة شاف الصور قال ما بينزلها لأنها ستعكس صورة سلبية عن حدث يتم التجهيز له منذ 20 يوم , وانا وافقته في الرأي.
6- إذا كان أي كلمة بنقولها يكون نتيجتها الاستقالة او ترك العمل , فهذا ايضا لن يسكتنا , سنظل نقول ونقول لأن الامر عمل عام وليس مكايدات شخصية , وجميع من يعمل في هذه المنظمة ليس هناك سبب يجعلنا نكيد له او نطاعنه لأنه ضحى بوقته ليعمل عملا يندر ان نجد بين الشباب من يلتفت له هذه الايام.

سيف الدين كتب:: * انت جبت فكرة المكتب الجديد واصريت عليها , والفكرة دي أضرت بالمنظمة بصورة كبيرة , والكثير من الاعضاء غير موافق عليها وبدأ ياخذ خطوات للخلف بعد ان وثق في المنظمة .

الاخ سيف الدين مصطفى لم ياتى بالفكره ولم يصر عليها ولكن عرضت على الاعضاء المداومين للمكتب ووافقو عليها
ولم تضر فكرة المكتب الجديد بالمنظمه ابـــدا

ناصر خلف الله كتب:: الاخ سيف الدين مصطفى لم ياتى بالفكره ولم يصر عليها ولكن عرضت على الاعضاء المداومين للمكتب ووافقو عليها
ولم تضر فكرة المكتب الجديد بالمنظمه ابـــدا

الاخ ناصر
* مصطفى هو من وقف على هذه الفكرة , وكان حادا في تعامله مع الاعضاء بخصوص جمع التبرعات لايجار المكتب , وبخس عضو نشط معنا في المنظمة لمجرد موقفه المعارض لهذا المكتب معطيا اياه نسبة 50%
* اما عن ان الفكرة لم تضر المنظمة , اليك هذه الاسماء وليأتي منهم من يقول انه راضي عنها :
- ابو فرح
- ود ميرغني
- ماستر (حسب ما فهمته من نقاشي مع ود ميرغني اليوم بالتلفون)
- هشام عباس
- الهادي الشغيل
- محمد جمعة
- احمد (مندوب المنظمة بالرياض)
- عبد الفتاح
- ابو زحل
وبعد هذا المكتب انا عن نفسي فترت همتي في استقطاب الناس للمنظمة وآخر مرة اتصل علي الاخ ابو فرح بخصوص الترتيب للقاء في الرياض وجدت نفسي غير متحمس , لأنني وجدت نفسي معلقا بين شباب متحمس للعمل ولكن طريقة التفكير وتقدير عواقب الامور غير مطمئنة.
ملحوظة اخيرة :
حتى الآن لم تنشر اسماء العشرة الملتزمين بدفع ايجار هذا المكتب

الاخ سيف ماكنا عايزين نرجع لى حته المكتب دى تانى لكن طالما رجعتونا ليها
اولا الناس المعارضه دى ليه مادخلت وناقشت زى ماانتو ناقشتوا ومعاكم القليل منهم
ثانيا الناس المداومين او اعضاء الداخل لو ما مقتنعين بالفكره ماكان وافقو
ثالثا سبب وجود المكتب الجديد انو جزو من الجلسه الاسره بعد انتهاءها زهبوا لزياره الموقع الاول فمان راى كل من زهب ونحنا معاهم انو المكان لايسع ولا حتى المكتب التنفيزى وبعداك نبعت فكره البحث عن مكان جديد اومقر اخر وبعدها تبن الاخ(النشط) المسأله كلها
والله على ما اقول شهيد

سلام يا محمد

محمد عبد الله عبد الجليل كتب:: الاخ سيف ماكنا عايزين نرجع لى حته المكتب دى تانى لكن طالما رجعتونا ليها
نحن اصلا ما تركناها حتى نرجع لها , عاملة لينا صداع وهم يومي
اولا الناس المعارضه دى ليه مادخلت وناقشت زى ماانتو ناقشتوا ومعاكم القليل منهم
وهل كل الناس الموافقين في عطبرة دخلت هنا وناقشت؟ هذا نقاش بمن حضر وليس تصويت
واليوم قابلت واحد مقيم في عطبرة بالفيسبوك سالني : لماذا لا يدخل اعضاء المنظمة الى النت؟
ثانيا الناس المداومين او اعضاء الداخل لو ما مقتنعين بالفكره ماكان وافقو
ثالثا سبب وجود المكتب الجديد انو جزو من الجلسه الاسره بعد انتهاءها زهبوا لزياره الموقع الاول فمان راى كل من زهب ونحنا معاهم انو المكان لايسع ولا حتى المكتب التنفيزى وبعداك نبعت فكره البحث عن مكان جديد اومقر اخر وبعدها تبن الاخ(النشط) المسأله كلها
والله على ما اقول شهيد
طيب لما عددكم يبقى 800 او 8000 حا تجتمعوا وين ؟ في استاد عطبرة ؟
المكتب التنفيذي ليس مطلوب منه الاجتماع مع كل الاعضاء , يكفي اللقاء الاسري الشهري : اجتماع مع الامانات واخر مع ممثلي الاحياء
وعبد الفتاح قال بيتي مفتوح , واليوم ود ميرغني قال بيتي مفتوح وانا متأكد بيوت عطبرة كلها مفتوحة والنوادي الرياضية مفتوحة
التفكير المكتبي افقدنا وسيفقدنا الكثير من العمل الميداني

...

ابومريومة كتب:: أها الشغلة جابت ليها تلفونات وياسيف قلت أى زول عندو
حاجة يقولو فى المنتدى وأنا رجعت للمكاشفة لأنو لقيت فى تلفونات سرية
وللأسف ماكانت سرية لأنو الناس البتضربو ليهم قاعدين ياإما معانا فى المكتب
يا إما فى جلسات شاى بعد المغرب الناس مبرمجاهو طولت شفت كيف

انا واحد من الكنت بعمل التلفونات لمن خربت ميزانيتي الشهور الفاتت وهي ليست سرية
لانني ادري بكل شئ وحتي شاي المغرب ادري عنه وايضا كان هناك اتصالات عبر الاسكايبي
وفي الفترة الاخيرة لم تصدر مني الا مكالمات محدودة نسبة للاحباط الذي اصابني لان غالبة الاتصالات بدون فائدة وتكرار لنفس الشئ
والاتصالات التي تقول انك كنت موجود وهي واحدة برنة علي طلبكم وقمت بالاتصال بكم
والثانية كانت كانت تسبقها مكالمة بالنهار ليست لكم بها علم وهي بخصوص اعلام الرئيس بشئ هام اعلمتك به لاحقا
ونسبة لانقطاع الرصيد قمت بالاتصال المساء وطلبت منه ان يبلغكم السلام وانا اعلم انكم موجودون معه
وهي كلها لم تكن سرية لاننا لانعمل في شئ نخاف منه

ابومريومة كتب:: ولمن دخلت المكاشفة عرفت فى مطاعنات بالكلمات مافى داعى ليها وأنا خليت الشغل فى المنظمة من يوم لقيت رسالة من محمد جمعة بخصوص الصور وأنا قلت لى مجاهد سيف قال كدا وكدا بخصوص الصور وأنا عمرى فى المنتدى ماوعدت بى حاجة وأخلفت

اخي ليست هناك اي مطاعنات لان الجميع يسعي لعمل الخير ومتطوع وليس هناك من هو مجبر عليه
وانا ماعارف حكاية لي الزراع الماسكين فيه دي شنو كل ماينتقد احد شئ ياتيك من يقول اترك العمل واقدم استقالتي
وانا واحد من الناس عندما اتهمت بانني احبط الناس وبتاع كيبورت ودكتاتور قلت اترك المكتب التنفيذي يعمل براحته
وانني سوف اعمل بكل مافي وسعي وانفذ كل مايطلبه مني ولم اقل اتخلي عن المنظمة
اما بخصوص الصور اتصل بي سيف وقال انك سترسل الصور وطلب منك تحويلها لي وعندما اخبرتني انت اوضحت لك
بكمية الصورة التي عنده وتنويهه بالقيام بانزالها علي دفعات وهذا قبل مخاطبطك له وهذا التنويه اتي في المنتدي قبل طلبك ارسال صور له
وانا عندما تناقشت معك لم اري الصور بعد وفعلا عندما رايتها وجدت بانها لاتفي بالغرض المطلوب لانها توحي بشئ اخر
واتصلت بسيف وطرحت وجهة نظري ووجدت موافق عليها وارسلت لك رسالة خاصة واوضحت لك فيها وجهة نظري فيها ولم اشر فيها لسيف بشئ
وطلبت منك انت ترسل لي غير هذه الصور لانزالها واعطيتك فكرة عن الكيفية

ابومريومة كتب:: ومن الليلة بنزل من درجة وزير الإجتماعية الكنت أنا قايلها كدا بى فهم الجماعة البرة وما سيف براه

لا احد قال وزير ولا اتي بتفكير مثل هذا لان الجميع يعلم بان هذا العمل تكليف وليس تشريف ولا احد مجبر عليه

محمد عبد الله عبد الجليل كتب:: الاخ سيف ماكنا عايزين نرجع لى حته المكتب دى تانى

اخي محمد عبدالله لم نقف منها اول لنرجع لها تاني حقيقة المكتب اصاب الكثيرين بالاحباط وانا واحد منهم
وعندما وجدناكم مصرين علي حكاية المكتب اتي عرض من الاخ ابوزحل وعرض ممتاز شديد
وللان لم يخطرنا الشباب ماذا فعلو فيه وماذا حدث
قلت هناك برنامج بتاع شاي مغرب في البيوت لماذا لاتكون بمثابة الاجتماعات ويتم توفير المكتب
اما بخصوص الملفات وماشابهها الان المنظمة تحت التاثيث يمكن كل امانة تحتفظ بما يهمها في بيوتهم وهي الان بسيطة
عندما تتوسع الشغلة ولاتحتملها البيوت بعد ذلك يمكن التفكير في المكتب مع العمل انو الان الاشياء الهامة موجودة في البيوت وليست في المكتب

ياناس ماتورونا الاحباط الجاكم دا قايل كيف اذا كان انتو متابعين وتتوالوا فى الردود ومامنقطعين من المنظمه واعضاءها فكيف تكونوا محبطين
وبرددا تانى المكتب او المقر مهم والبيوت كمان مفتوحه ونحنادايرنا تواصل بالبيوت والمكتب ولو انتو عندكم راى تانى ورونا ليهوا ومسأله الاحباط دى مادايرن نسمعا تانى عشان انتو ونحنا والباقين والحايجونا نقدر نعمل حاجه ولو بسيطه
والله ولى التوفيق

كلها وعود وإقتراحات وللأسف مابتحل مشكلة والناس خلت المهم وقبضت فى أمور الناس تجاوزتها وهسى جيبو لى زول يدينا بيت ونحن نطرح الموضوع للمكتب التنفيذى ونرحل من باكر وتذكير الناس الدفعو قروش الأيجار دفعو إشتراكاتهم لهذا الشهر بل فى وحدين دفعو إيجار سنة وين إشتراكات الباقين من ناس الخارج الناس قدمت للمنظمة فى عطبرة ومازالت تقدم والناس شغالة وبتتكلم وناس بتتكلم بس
(واحدة من دعايات الإعلام لى يوم الليلة ما علقت بالرغم من تسليمها قبل 10 أو 15 يوم )

ابومريومة كتب:: كلها وعود وإقتراحات وللأسف مابتحل مشكلة والناس خلت المهم وقبضت فى أمور الناس تجاوزتها
والله يا الاخو الامور ديك مهمة لانها وسيلتنا لاقناع الناس بجدية المنظمة عشان الناس تدفع
وهسى جيبو لى زول يدينا بيت ونحن نطرح الموضوع للمكتب التنفيذى ونرحل من باكر
دي عاوزة توضيح شوية , قصدك ايجار ولا استضافة مجانية ؟
وتذكير الناس الدفعو قروش الأيجار دفعو إشتراكاتهم لهذا الشهر بل فى وحدين دفعو إيجار سنة وين إشتراكات الباقين من ناس الخارج
الناس قدمت للمنظمة فى عطبرة ومازالت تقدم والناس شغالة وبتتكلم وناس بتتكلم بس
يا ريت الامين المالي ينشر لينا بالارقام :
- اجمالي الايردات شاملا (عدد) الاشتراكات المدفوعة داخليا وخارجيا
- تفاصيل المنصرفات
عشان موقف المنظمة يكون مكشوف للجميع حتى تاريخ اليوم
(واحدة من دعايات الإعلام لى يوم الليلة ما علقت بالرغم من تسليمها قبل 10 أو 15 يوم )
دي اصبحت مسئولية ناس الداخل .. ليه ما تابعتوا معاهم ؟
وبعدين هم قالوا نسبة من ارباح الشهر يعني مفروض تعرفوا بالضبط هي 10 ولا 15 يوم

ومن باب المكاشفة :

سيف الدين كتب:: ملحوظة اخيرة :
حتى الآن لم تنشر اسماء العشرة الملتزمين بدفع ايجار هذا المكتب

...

ابومريومة كتب:: كلها وعود وإقتراحات وللأسف مابتحل مشكلة والناس خلت المهم وقبضت فى أمور الناس تجاوزتها وهسى جيبو لى زول يدينا بيت ونحن نطرح الموضوع للمكتب التنفيذى ونرحل من باكر

كيف تجاوزتها الناس لم تتجاوزها الناس ابدا وسبق قلنا لكم للان لاتدرون ميزانية المنظمة كم لاننا ندري الوعود كثيرة
ولكن التنفيذ سوف يكون قليل لانك لاتجبر احد لعمل الخير والمفروض الناس تتوقع شئ مثل هذا
ومن الاول الخطة الموضوعة لايوجد فيها مكتب لان المنظمة تحت التاثيث ولا يدري احد ميزانيتها
وهل هذا كلام جيبو واحد يدينا بيت
ومن هو الذي يجيب اخي هذا كل عمل خيري وهناك تاتي التبرعات ومشكورين الاخوان تبرعو باستقبال اجتماعات في منازلهم
الاخ عبد الفتاح والاخ محمد ميرغني واذا كان لابد من المكتب لماذا لانشوف الذي يوافق حجم المنظمة وميزانيتها
مع العلم العمل الطوعي عمل ميداني وليس مكتبي وعندك عرض من الاخ ابوزحل لم توافونا بماحدث فيه ولا الرئيس ماجاب لينا خبر

ابومريومة كتب:: فى وحدين دفعو إيجار سنة وين إشتراكات الباقين من ناس
الخارج الناس قدمت للمنظمة فى عطبرة ومازالت تقدم والناس شغالة وبتتكلم
وناس بتتكلم بس

لا يجبر احد علي دفع الاشتراكات لانو في الاول والاخر العمل خيري وهناك ناس من الخارج دفعو وطلتو اشتراكات الخارج صفر
اخي من يقدر يقدم شئ للمنظمة ولو بدعوة او بتنبيه ايضا يعتبر قدم شئ فالعمل طوعي وخيري وكلو جزاه عندالله سبحانه وتعالي

ابومريومة كتب:: (واحدة من دعايات الإعلام لى يوم الليلة ما علقت بالرغم من تسليمها قبل 10 أو 15 يوم )

فهذا خلل من المتابعة لماذا لاتتابع ويسالو ما السبب في ذلك حتي لانرمي اسباب من عندنا

ديل ماضرورى الناس يذكرو أساميهم لكن ياسيف كنت بتمنى تخلو ناس الداخل وتذكرو لينا الناس المادفعو من ناس الخارج ونحن عشرتنا هينة وبعدين ياسيف القصة مامتابعة هو الزول ما إهتم براه مافى داعى الناس تضايق الناس ولاكيف وبعدين معلومة لقطتها من ناس العضوية أمبارح نسبة الإشتراك عملت 30% ودايرين نسبة ناس الخارج ويا المركب مشى ودايرين نغير نغمة الخطة دى نأجلا لمن القروش تجى وللأسف لى هسى ماتمكنا من فتح الحساب لعدم وجود المال الكافى لفتحه والناس تتجادل فى شئ أصبح واقع وواقع مفيد

* نسبة دفع اشتراكات الخارج 31% ويمكن تكون ازيد لو في ناس دفعوا مباشرة في الحساب , متى كانت آخر مرة راجعتم فيها الحساب ؟
* انا من زمان عاوز ارسل خطابات شخصية لأعضاء الخارج ( عددهم 32) ولكن نريد تنسيق معكم حتى لا يكون هناك من دفع ونرسل له خطاب :
- نتبادل اليوم على ايميل المنظمة رفع كشوفات الدافعين في الخارج والداخل , وبكره بنرسل خطابات مطالبة للإشتراكات
- قلنا لكم ارفعوا لنا الورقة الرسمية التي اخترتوها حتى نكتب عليها خطاب المطالبة , مش نحن نستعمل نموذج وانتم نموذج آخر
- نغمة خطة العمل فيها حاجات كتيرة ما محتاجة لقروش , محتاجة جهد ميداني فقط
- اعتمادنا بعد الله على التبرعات وليس الاشتراكات :

مقرر منظمة عطبره الخيريه كتب:: 8/ معظم الجهات الحكومية والجهات الخاصة والأفراد التي تم اللذهاب إليها للتعريف بالمنظمة وأهدافها وطلب الدعم للمشروعات التي تقوم بها المنظمة وتم الترحيب بنا مع الوعد بتقديم الدعومات في السنة الماللية الجديدة لنفاذ بنود الدعم وكان السؤال الرئيسي المتفق عليه (مقركم وين؟)

كم ستدفع لنا هذه الجهات وقد دفعنا عشان خاطرها ستة مليون جنيه ؟
والسنة المالية الجديد فات منها 18 يوم

كلام جميل والحمد لله بدأنا بتنفيذ الخطط المامحتاجة لى قروش لكن يا أخوانا الخطط المامحتاجة قروش مابتجى فى اللحم الحى ( والليلة فى أحد النوادى رئيس النادى شخصيا وفى محاضرة التثقيف يقف ويقول يعنى إنتو جايين ناس ونسة ) أمسك دى

ابومريومة كتب:: ( والليلة فى أحد النوادى رئيس النادى شخصيا وفى محاضرة التثقيف يقف ويقول يعنى إنتو جايين ناس ونسة ) أمسك دى

فعلا جايين ناس ونسة طالما ما قلتو ليهو جينا نسجلك وعاوزين منك الاشتراك هسه , ده رئيس نادي
ونحن قلنا السنة الاولى عاوزين عضوية (نوعية وليس كمية) 12 عضو فقط من كل حي
نوعية : يعني تدفع وتدعم وتستقطب لتضع لنا ارضية للسنة الجاية

وبعدين عاين لي ديل , عاوزين قروش ؟
- مشروع روضة الاطفال
- نموذج الورق الرسمي الاخترتوه ولغاية هسي نحن ما عارفينو
- تزكية انصار السنة بتاعة الهادي
- خطاب مشروع المكتبات
- لوحة اولاد ابو فرح .. ولوحات غيرها في السوق (مصدر دخل)
- تبرعات الشركات والدوائر الحكومية (مصدر دخل)
- استلام اشتراكات الهادي وعبد الفتاح من عطبرة (مصدر دخل)

وكلها بتصب في نغمة الخطة

طيب ال12 عضو ديل دايرنهم يجو كيف اذا كان ما وصلنا كل حى فى مكانو اوناديه

يا محمد نحن ما قلنا ما تصلوا ليهم , بالعكس لازم نصل ليهم
بس نمشي ليهم شايلين معانا استمارات وايصالات مالية
عشان ما يقولوا لينا جايين تتونسوا زي ما قال رئيس النادي داك

سيف الدين كتب :

اقتباس :: - مشروع روضة الاطفال

ياأخوى سيف موضوع الروضة وكل له الأخت ندى وبالفعل ضربت لى ست الروضة وطلعت هى ماستها المهم وعدت بإنها حتصل ست الروضة فى الخرطوم عشان تجيب الأكيدة وتم إخبار الأخ هشام بالموضوع ووعد بحل الإشكالية

اقتباس :: - نموذج الورق الرسمي الاخترتوه ولغاية هسي نحن ما عارفينو

أما نموزج الورق كان الإختيار على نفس الترويسة الفيها صيغة الخطاب الرسمى وياها الوحيدة

اقتباس :: - تزكية انصار السنة بتاعة الهادي

التزكية طبعناها من المنتدى بى حذافيرها ووديناها لى عمنا محمد عمر الشغيل شخصيا بوجود إبنه أسامة وقلنا لى أسامة أن يشرح له الفكرة كاملة

اقتباس :: - خطاب مشروع المكتبات

موضوع خطاب المكتبات كلف به السيد الرئيس شخصيا وذلك لأنه هو الوحيد الذى يعرف الموضوع وذهب للشخص المعنى وقال الشخص إن الشكر أرسل إلى الإيميل والإيميل ياتو نحن لا نندرى

اقتباس :: - لوحة اولاد ابو فرح .. ولوحات غيرها في السوق (مصدر دخل)

تم التأخير فيها تقريبا إسبوع من الخطاط ولكن هى الآن لديهم ولها 10 أو 15 يوم تقريبا ولم ترفع فى المحل الى يوم هذا وما من المفروض نرفعها نحن وما من المفروض نمشى نقول ليهم أرفعوها لأنهم هم أصحاب الفكرة ولا رأيكم شنو

اقتباس :: - تبرعات الشركات والدوائر الحكومية (مصدر دخل)

اليوم فقط تم رفع الحظر عن الميزانيات وبدأ العمل فى الميزانية الجديدة وسوف يقوم الإخوة فى العلاقات العامة بعملهم إنشاء الله

اقتباس :: - استلام اشتراكات الهادي وعبد الفتاح من عطبرة (مصدر دخل)

تم إستلام إشتراك أخونا الهادى ولكن إشتراك أخونا هبد الفتاح لم نعرف من أين نستلمه وأرجو توجيه الأخ نادر أو الرئيس
هذا كل مايتعلق بتلك النقاط وأرجو أن لا يكون هناك تقصير

ابومريومة كتب:

سيف الدين كتب :

اقتباس :: - مشروع روضة الاطفال

ممتاز .. ونأمل المتابعة

اقتباس :: - نموذج الورق الرسمي الاخترتوه ولغاية هسي نحن ما عارفينو

أما نموزج الورق كان الإختيار على نفس الترويسة الفيها صيغة الخطاب الرسمى وياها الوحيدة
اييوووي واخيرا بعد شهر ونصف , وهي ليست الوحيدة كانوا خمسة نماذج (هنا) , لو وحيدة ما كنا سألنا
وهذه صورة من تاريخ الايميل
لقاء المكاشفة (حول المنظمة) - صفحة 5 26693926

لقاء المكاشفة (حول المنظمة) - صفحة 5 26693926

اقتباس :: - تزكية انصار السنة بتاعة الهادي

ممتاز .. ونأمل المتابعة

اقتباس :: - خطاب مشروع المكتبات

وقال الشخص إن الشكر أرسل إلى الإيميل والإيميل ياتو نحن لا نندرى
بسيطة : الايميل الذي اعطاه له الشخص الذي تابع معه .. اسألوه وتابعوا معه

اقتباس :: - لوحة اولاد ابو فرح .. ولوحات غيرها في السوق (مصدر دخل)

مافي مشكلة , الاخ ابوفرح حا يتابع معاهم
ولو مشيتوا سالتوهم بتكون فرصة تكرروا التجربة مع تجار آخرون في السوق
نحن مفروض ندق لينا خيمة في السوق

اقتباس :: - تبرعات الشركات والدوائر الحكومية (مصدر دخل)

ممتاز .. ونأمل المتابعة

اقتباس :: - استلام اشتراكات الهادي وعبد الفتاح من عطبرة (مصدر دخل)

اعطينا مجاهد تلفون بيت عبد الفتاح قبل العيد وعبد الفتاح سال ناس البيت قالوا ما جونا , نأمل المتابعة
هذا كل مايتعلق بتلك النقاط وأرجو أن لا يكون هناك تقصير

1- ابووردة قال ليكم:

أبووردة كتب:: الأخ أبوالسيوف إستلمت المطبوعات وعندى يالمنزل وفى انتظار أى مسافر إلى عطبره وتحياتى

علما بأن تكلفة هذا الورق حتى الآن 650 الف جنيه , قلنا ما نستعجل .. قلتوا لازم , قلنا سمعا وطاعة
2- اعطينا الرسوم وشهادة التسجيل لاحمد وغدا سيذهب للسفارة للتسجيل
3- الاخوان احمد وود الغريبة وعبد الحي سيحملون ايصالات رسمية ويجمعوا اشتراكات من الاعضاء في الرياض
4- هنالك تخطيط لعمل في الرياض بس منتظرين البرد ينكسر شوية حتى لا يفشل

» منتدى المنظمة فقط لأعضاء المنظمة
» رسائل من بريد المنظمة
» دور ربات البيوت في المنظمة
» ملخص اجتماعات المنظمة
» جلسة اسرية لاعضاء المنظمة