لقاء المكاشفة (حول المنظمة)

سيف الدين كتب :

اقتباس :

- مشروع روضة الاطفال

ياأخوى سيف موضوع الروضة وكل له الأخت ندى وبالفعل ضربت لى ست الروضة وطلعت هى ماستها المهم وعدت بإنها حتصل ست الروضة فى الخرطوم عشان تجيب الأكيدة وتم إخبار الأخ هشام بالموضوع ووعد بحل الإشكالية

اقتباس :

- نموذج الورق الرسمي الاخترتوه ولغاية هسي نحن ما عارفينو

أما نموزج الورق كان الإختيار على نفس الترويسة الفيها صيغة الخطاب الرسمى وياها الوحيدة

اقتباس :

- تزكية انصار السنة بتاعة الهادي

التزكية طبعناها من المنتدى بى حذافيرها ووديناها لى عمنا محمد عمر الشغيل شخصيا بوجود إبنه أسامة وقلنا لى أسامة أن يشرح له الفكرة كاملة

اقتباس :

- خطاب مشروع المكتبات

موضوع خطاب المكتبات كلف به السيد الرئيس شخصيا وذلك لأنه هو الوحيد الذى يعرف الموضوع وذهب للشخص المعنى وقال الشخص إن الشكر أرسل إلى الإيميل والإيميل ياتو نحن لا نندرى

اقتباس :

- لوحة اولاد ابو فرح .. ولوحات غيرها في السوق (مصدر دخل)

تم التأخير فيها تقريبا إسبوع من الخطاط ولكن هى الآن لديهم ولها 10 أو 15 يوم تقريبا ولم ترفع فى المحل الى يوم هذا وما من المفروض نرفعها نحن وما من المفروض نمشى نقول ليهم أرفعوها لأنهم هم أصحاب الفكرة ولا رأيكم شنو

اقتباس :

- تبرعات الشركات والدوائر الحكومية (مصدر دخل)

اليوم فقط تم رفع الحظر عن الميزانيات وبدأ العمل فى الميزانية الجديدة وسوف يقوم الإخوة فى العلاقات العامة بعملهم إنشاء الله

اقتباس :

- استلام اشتراكات الهادي وعبد الفتاح من عطبرة (مصدر دخل)

تم إستلام إشتراك أخونا الهادى ولكن إشتراك أخونا هبد الفتاح لم نعرف من أين نستلمه وأرجو توجيه الأخ نادر أو الرئيس
هذا كل مايتعلق بتلك النقاط وأرجو أن لا يكون هناك تقصير

ابومريومة كتب:

سيف الدين كتب :

اقتباس :

- مشروع روضة الاطفال

ممتاز .. ونأمل المتابعة

اقتباس :

- نموذج الورق الرسمي الاخترتوه ولغاية هسي نحن ما عارفينو

أما نموزج الورق كان الإختيار على نفس الترويسة الفيها صيغة الخطاب الرسمى وياها الوحيدة
اييوووي واخيرا بعد شهر ونصف , وهي ليست الوحيدة كانوا خمسة نماذج (هنا) , لو وحيدة ما كنا سألنا
وهذه صورة من تاريخ الايميل

اقتباس :

- تزكية انصار السنة بتاعة الهادي

ممتاز .. ونأمل المتابعة

اقتباس :

- خطاب مشروع المكتبات

وقال الشخص إن الشكر أرسل إلى الإيميل والإيميل ياتو نحن لا نندرى
بسيطة : الايميل الذي اعطاه له الشخص الذي تابع معه .. اسألوه وتابعوا معه

اقتباس :

- لوحة اولاد ابو فرح .. ولوحات غيرها في السوق (مصدر دخل)

مافي مشكلة , الاخ ابوفرح حا يتابع معاهم
ولو مشيتوا سالتوهم بتكون فرصة تكرروا التجربة مع تجار آخرون في السوق
نحن مفروض ندق لينا خيمة في السوق

اقتباس :

- تبرعات الشركات والدوائر الحكومية (مصدر دخل)

ممتاز .. ونأمل المتابعة

اقتباس :

- استلام اشتراكات الهادي وعبد الفتاح من عطبرة (مصدر دخل)

اعطينا مجاهد تلفون بيت عبد الفتاح قبل العيد وعبد الفتاح سال ناس البيت قالوا ما جونا , نأمل المتابعة
هذا كل مايتعلق بتلك النقاط وأرجو أن لا يكون هناك تقصير

1- ابووردة قال ليكم:

أبووردة كتب:

الأخ أبوالسيوف إستلمت المطبوعات وعندى يالمنزل وفى انتظار أى مسافر إلى عطبره وتحياتى

علما بأن تكلفة هذا الورق حتى الآن 650 الف جنيه , قلنا ما نستعجل .. قلتوا لازم , قلنا سمعا وطاعة
2- اعطينا الرسوم وشهادة التسجيل لاحمد وغدا سيذهب للسفارة للتسجيل
3- الاخوان احمد وود الغريبة وعبد الحي سيحملون ايصالات رسمية ويجمعوا اشتراكات من الاعضاء في الرياض
4- هنالك تخطيط لعمل في الرياض بس منتظرين البرد ينكسر شوية حتى لا يفشل

ياسيف لاجبتنى ولا جبتك لكن حكاية المقر أنا تانى ماحأتكلم فيها وبخلى ناس الداخل الفى المنتدى يردو على حكاية الٍإيجار دى وإنت فاهمنى عملت كدا ليه ونحن لينا شهر وعشرين يوم لكن وصلنا لى حاجات ماوصلوها منظمات ليهم سنتين وخمسين يوم وماغرور لكن تعال وشوف فى عطبرة الراى كيف

أكشفو كشفو البلا لكن ياأخوانا بدون مايأثر على المنظمة ودا كان إتفاق بيناتنا أنا وياك قبل كدا وعشان مايجى بالسالب

اها انبقى لى الرد بخصوص المكتب وجود المكتب مهم وللغايه

سيف كتب :

اقتباس :

الاخوة والاخوات المغتربين مجازا في السعودية , الخالدين فيها واقعا Laughing
لكم التحية والتقدير , أما بعد ..
بدلا من فش غبينتنا مع الفاتح جبرا ( هــنــا )

تعالوا هنا نناقش أمر منظمتنا الوليدة هنا من حيث :
1- نوزع المهام والمسئوليات على المدن
2- جمع الاشتراكات والتبرعات
3- المغتربين الذين عددهم قليل في دول اخرى ينضموا لنا هنا , اما الدول التي فيها عدد كبير فالافضل فتح بوست منفصل والتنسيق المباشر مع الشباب في عطبرة

بالنسبة لاستقطاب الدعم والاعضاء
1- الاخ عبد الفتاح بن سعيد التزم بمنطقة القصيم
2- الاخ محمد الفاضلابي التزم بمنطقة ابها
3- الاخ الهادي الشغيل التزم بمنطقة جدة ومعه الاخ اسامة (ليس عضوا في المنتدى)
4- الاخ محمد جمعة التزم بمنطقة الخبر
5- الاخ سيف الدين بمنطقة الرياض ومعه الاخ احمد (ليس عضوا في المنتدى)
هذا ما اسعفتني به الذاكرة الخربة , فارجو التذكير إن نسيت أمرا ..
وهو الهدف من هذا البوست المتابعة وعدم الركون الى الذاكرة , خصوصا الناس بقت لما تمشي الاجازة بتكتر من شرب الاستيم والشامبيون bounce

شفتو ياأخوانا موضوع المكاشفة نجح كيف بعد شهر وعشرين يوم ناس برة اتحركوا وربنا يحرك الجميع وللامام ونحن من خلفكم دوما

الاخ سيف بالفعل اللوحة لم ترقع للاسف وانا اعتذر عن هذا التاخير بسبب المشغولية وانشاء الله غدا سوف تكون مرفوعة على المحل

ياأخوانا المكاشفة مهمة بس المشكلة فى الطباع والناس ماواحد وربنا مايجيب لينا لوم فيها نسأل الله مايجيب تقصير ويكون دور المكاشفة إنتهى وبل الناس تفتح بوست يكون موازى للمكاشفة بالجانب الموجب وربنا يوفق الجميع لما يرضاه وترضاه عطبرة
ونحن لها وبها وعليها

شكرا لاولاد فرح لتجاوبهم مع المنظمه وشكرخاص لابو فرح على اعتازره بدلا عن اولاد فرح والله يقدرنا على تغطتيه الاسماء الكبيره فى السوق

الغالي سيف واقمار المنتدي تحيه ود وشوق واشتياق وانتم تنقشون فينا لوحه الحب والتجـــرد ونكران الذات تضعون لبنه لسوامق تشق عنـــــان السماء ولسان حالكم يقول ( اركز للبيجبها الريح تقيف انت ويشيلها الريح ) ونتمني ان نكون عند الوعد والظن صادقين وموقنين ان قبس الفكره لـن يصبح رماداً تزروه الرياح نكدح برهق جميل ان نكون نقطه في بحر حماسكم الرائع نحاول غرس بعض الازهار في بستان عطائكم الوثاب .
لكم التحيه والاكبار وانتم تثرون ادب المكاشفه لتدوال الافكار والرأي والرأي الاخر مناصحه ومكاشفه لعمري لو عمل بها اهل الحل والعقد لانصلح حال هذه البلاد والعباد . وكل ماأثير من نقاشات لن يعطل المسيره وسوف يكون في اطار النصح والمناصحه فرأي صواب يحتمل الخطأ ورأي غيري خطأ يحتمل الصواب الصواب ولك ولكل الاحباب بالمنتدي والمنظمه الذين جعلونا نتلمس الخطي لطريق لااقول معبد ولكن بكم ولكم يكون السير فيه امتع غايه غبار ترابه تاج يزين جبين كل عاشق ولهان يتنفس عطبره شهيقاً وزفيراً ونعلن ان نحن اهل عطبره جينا لا المدامع وقفتنا ولا الحكايات الحزينه .

الاخ سيف تلقيت اليوم اتصال من الاخ مهندس هاشم سعيد من ابناء الشرقى الاخ هاشم غنى عن تعريف فهو من النشطاء جدا وهو وجه مشرق لابناء عطبرة وقد دخل على الموقع واطلع على ولادة المنظمة وقد تم التنسيق بأن يكون لنا لقاء بعد الاختبارات مباشرة انشاء الله بحضور الاخوان مجدى ودكتور طه تكرونى ورمضان رئيس رابطة ابناء عطبرة وكل المجموعة وانشاء الله تكون دفعة قوية للامام
بخصوص اللوحة تم تعليقها اليوم على المركز وانشاء تكون بداية ورسالة لكل الخيرين من اهل عطبرة وتكون بداية طيبة ودافع للاخرين للتبرع ودعم المنظمة
مع تحياتى

بالتوفيق ان شاء الله

ان شاء الله سأكون عند حسن الظن

ناس الداخل ما نايمين
وياناس الخارج الهمه مطلوبه